وبلىس ورتالىعىنىڭ «اۋە قالاشىعى» شاعىن اۋدانى قالانىڭ الەۋمەتتىك ينفراقۇرىلىمى كەنجەلەۋ دامىعان بولىگى بولاتىن. سوڭعى جىلدارى مۇندا الەۋمەتتىك نىسانداردى دامىتۋ جۇمىستارى قولعا الىنىپ, جاعداي جاقسارا باستادى. كەزىندە يەسىز قالعان ساياباق جاڭارتىلىپ, كوپشىلىكتىڭ مادەني دەمالىس ورنىنا اينالدى. وسى اۋداندا ورنالاسقان «اۆياتور» سپورت الاڭى دا وسى زامانعى تالاپتارعا جاۋاپ بەرمەيتىن. الا شاڭى شىعىپ جاتاتىن الاڭدا جاقىن ماڭداعى بالالار دوپ قۋىپ, فۋتبول ويناعانى بولماسا, باسقا سپورت تۇرلەرىمەن اينالىسۋعا مۇمكىندىك جوققا ءتان ەدى.
وبلىس ورتالىعىنىڭ «اۋە قالاشىعى» شاعىن اۋدانى قالانىڭ الەۋمەتتىك ينفراقۇرىلىمى كەنجەلەۋ دامىعان بولىگى بولاتىن. سوڭعى جىلدارى مۇندا الەۋمەتتىك نىسانداردى دامىتۋ جۇمىستارى قولعا الىنىپ, جاعداي جاقسارا باستادى. كەزىندە يەسىز قالعان ساياباق جاڭارتىلىپ, كوپشىلىكتىڭ مادەني دەمالىس ورنىنا اينالدى. وسى اۋداندا ورنالاسقان «اۆياتور» سپورت الاڭى دا وسى زامانعى تالاپتارعا جاۋاپ بەرمەيتىن. الا شاڭى شىعىپ جاتاتىن الاڭدا جاقىن ماڭداعى بالالار دوپ قۋىپ, فۋتبول ويناعانى بولماسا, باسقا سپورت تۇرلەرىمەن اينالىسۋعا مۇمكىندىك جوققا ءتان ەدى.
وسى ايتاقىردا قايتادان جاڭعىرتىلعان زاماناۋي «اۆياتور» سپورت كەشەنىندە وبلىستىق كوپ سالالى بالالار مەن جاسوسپىرىمدەر سپورت مەكتەبىنىڭ سالتاناتتى اشىلۋى بولدى. جاڭا سپورت كەشەنى مەن وسىنداعى وبلىستىق كوپ سالالى بالالار مەن جاسوسپىرىمدەر سپورت مەكتەبىنىڭ لەنتاسىن وبلىس اكىمى ارحيمەد مۇحامبەتوۆ پەن اقتوبە قالاسىنىڭ قۇرمەتتى ازاماتى, قازاقستاننىڭ قۇرمەتتى سپورت قايراتكەرى كادىرجان ىزعارين قيدى. سالتاناتتى ساتتە ءسوز العان ءوڭىر باسشىسى جينالعانداردى جاڭا سپورت نىسانىنىڭ اشىلۋىمەن قۇتتىقتادى. ول جىل سايىن سپورت سالاسىنا قارجى ءبولۋ ارتىپ, سپورت كەشەندەرى مەن الاڭدارىنىڭ كوپتەپ سالىنىپ كەلە جاتقانىن تىلگە تيەك ەتە كەلىپ, سوڭعى ەكى جىلدا قالادا 36 جاساندى جامىلعىلى سپورت نىسانى سالىنعانىن, ونىڭ 19-ى بيىل پايدالانۋعا بەرىلگەنىن اتاپ ءوتتى. سونداي-اق, «باتىس -2» شاعىن اۋدانىنداعى 50 مەترلىك باسسەيننىڭ قۇرىلىسى اياقتالۋعا جاقىن قالعانى, الدا وسى اۋداندا مۇز سارايىن سالۋ ءۇشىن جوبالىق-سمەتالىق قۇجاتتارى جاسالىپ جاتقانى قۇلاققا جاعىمدى ەستىلدى.
– بۇل نىسان كەزىندە بىرەۋلەردىڭ قولىنا ءوتىپ كەتكەن ەدى. قاجەتتىلىككە قاراي كوممۋنالدىق مەنشىككە قايتارىپ, وسىنداي ەتىپ, جىپ-جيناقى وسى زامانعى سپورت كەشەنى سالىندى. ەلباسى 2020 جىلعا دەيىن حالىقتىڭ 30 پايىزىن بۇقارالىق سپورتقا تارتۋعا تاپسىرما بەرگەنى بەلگىلى. بۇل قادامدار سول تاپسىرمانى ورىنداۋدىڭ ناقتى كورىنىسى, – دەدى ارحيمەد بەگەجان ۇلى.
ءوڭىر باسشىسى ايتسا ايتقانداي, بۇل سپورت كەشەنى وسى اۋدان ءۇشىن وتە ماڭىزدى سپورت نىسانى, سپورت كەشەنىندە بالالار مەن جاسوسپىرىمدەر سپورت مەكتەبىنىڭ اكىمشىلىك عيماراتى, شىعىس جەكپە-جەگىنەن, قولدانبالى-تەحنيكالىق جانە سپورتتىق ويىن تۇرلەرى بويىنشا جاتتىعاتىن زالدارى, 500 ورىندىق تريبۋنا ورناتىلعان فۋتبول الاڭى بار. سپورت كەشەنىنىڭ قۇرىلىسىن قايتا جاڭعىرتۋ جۇمىستارىن «كتپ» جشس ساپالى جانە قىسقا مەرزىمدە اياقتادى. وعان وبلىستىق بيۋدجەتتەن 260 ميلليون تەڭگە جۇمسالدى.
سالتاناتتى ساتتە ءوڭىر باسشىسى وبلىس سپورتىن دامىتۋعا اتسالىسىپ, حالىقارالىق جانە الەمدىك جارىستاردا بيىكتەردەن كورىنىپ جۇرگەن 106 سپورتشىعا, سپورت ارداگەرىنە 50-100 مىڭ تەڭگە كولەمىندە اقشالاي جانە باعالى سىيلىقتار تابىستادى. ولاردىڭ قاتارىندا قازاندا وتكەن دۇنيەجۇزىلىك ۋنيۆەرسيادادا بەلبەۋ كۇرەسىنەن كۇمىس جۇلدە ولجالاعان ديماش مولداشەۆ, كۇرەستىڭ وسى تۇرىنەن الەم چەمپيونى نۇرلىبەك حايرۋللين, سامبودان ازيا چەمپيونى رايسا بايليەۆا, گىر سپورتىنان ەۋروپا جەڭىمپازى ەۆگەني گونچاروۆ جانە باسقالارى بار. سونداي-اق, مۇمكىندىگى شەكتەۋلى ازاماتتاردىڭ سپورت كلۋبى وبلىس اكىمىنىڭ 3 ميلليون تەڭگە گرانتىنا يە بولدى.
وسى كۇنى قالا مەكتەپتەرى جانىنان تاعى دا جەتى جاڭا سپورت الاڭدارى پايدالانۋعا بەرىلدى. بۇل سپورت الاڭدارىنا دا جاساندى جامىلعى توسەلگەن. سونداي-اق, سپورت الاڭدارى جارىقتاندىرىلعاندىقتان, ولاردا تۇنگى مەزگىلدە دە سپورت تۇرلەرىمەن اينالىسۋعا بولادى. نەگىزىنەن مەكتەپ يەلىگىندە بولعانىمەن, بۇل الاڭدارعا تۇرعىندار دا كەلىپ, سپورتپەن اينالىسا الادى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
