بىرىككەن اراب امىرلىكتەرى بيلىگىنىڭ شەشىمى بويىنشا قازاقستانعا گۋمانيتارلىق كومەك پارتياسى كەلىپ جەتتى.
ءبىزدىڭ ەلدەرىمىز اراسىنداعى ءداستۇرلى جىلى جانە دوستىق قارىم-قاتىناستاردىڭ, سونداي-اق كوروناۆيرۋسپەن كۇرەس جونىندەگى بىرلەسكەن كۇش-جىگەردىڭ ارقاسىندا ءباا-دەن بورتىندا جالپى سالماعى 13 توننانى قۇرايتىن تولىق مەديتسينالىق قورعانىس قۇرالدارى, جارتىلاي مەديتسينالىق قورعانىس قۇرالدارى, ءبىر رەتتىك قولعاپتار, مەديتسينالىق ماسكالار, باحيلالار, انتيسەپتيكتەر جانە ت.ب. مەديتسينالىق قۇرالدار بار ۇشاق كەلىپ قوندى.
بەلگىلى بولاتىنداي, ءوزارا قول ۇشىن بەرۋ اياسىندا قازاقستانعا بۇعان دەيىن دە اقش, قىتاي, وڭتۇستىك كورەيا, جاپونيا, تۇركيا جانە يزرايل سەكىلدى ەلدەردەن ءتۇرلى كومەك جىبەرىلگەن بولاتىن.
گۋمانيتارلىق كومەك – بۇل سەرىكتەستەرگە ءوزارا قولداۋ كورسەتۋدىڭ جالپى قابىلدانعان حالىقارالىق تاجىريبەسى.
تەز تارايتىن ەپيدەميولوگيالىق داعدارىس جاعدايىندا الەمنىڭ بارلىق مەملەكەتتەرى الەۋمەتتىك-ەكونوميكالىق الەۋەتىنە جانە گەوگرافيالىق الشاقتىعىنا قاراماستان, ءتۇرلى كومەك الۋ ءۇشىن ءوزارا جۇگىنەدى.
