بەسىنشى شاقىرىلىمداعى پارلامەنتتىڭ ءۇشىنشى سەسسياسىنىڭ سەناتتاعى العاشقى وتىرىسى ءوتتى. سەنات توراعاسى قايرات ءماميدىڭ جەتەكشىلىگىمەن وتكەن بۇل وتىرىستا پالاتا توراعاسىنىڭ ورىنباسارى جانە دەپۋتاتتاردى تۇراقتى كوميتەتتەرگە سايلاۋ ماسەلەسى شەشىمىن تاپتى.
جالپى وتىرىستى اشقان ق.ءمامي پارلامەنتتىڭ بيىلعى سەسسياسىنىڭ الدىنداعى باسىم مىندەتتەردى ەلباسى ن.نازارباەۆ بەس باعىت بويىنشا ناقتى ايقىنداپ بەرگەنىنە ەرەكشە توقتالدى. ەل ەكونوميكاسىن ودان ءارى نىعايتۋ, يننوۆاتسيالىق ۇدەرىستەر مەن «جاسىل ەكونوميكانى» دامىتۋ جانە قۇقىق قورعاۋ ورگاندارىنداعى رەفورمانى ودان ءارى جەتىلدىرۋ كۇن تارتىبىندە تۇر. سوندىقتان وسى زاڭ جوبالارىن ۋاقتىلى جانە ساپالى قاراۋ – ءبىزدىڭ وسى سەسسياداعى باستى مىندەتتەرىمىزدىڭ ءبىرى. سونداي-اق, استانادا ەكسپو-2017 حالىقارالىق مامانداندىرىلعان كورمەسىن ۇيىمداستىرۋ ءۇشىن جانە ساپالى تۇردە جوعارى دەڭگەيدە وتكىزۋ ءۇشىن ءبىرتالاي زاڭ پاكەتتەرىن قابىلداۋ كەرەك, دەدى توراعا.
بەسىنشى شاقىرىلىمداعى پارلامەنتتىڭ ءۇشىنشى سەسسياسىنىڭ سەناتتاعى العاشقى وتىرىسى ءوتتى. سەنات توراعاسى قايرات ءماميدىڭ جەتەكشىلىگىمەن وتكەن بۇل وتىرىستا پالاتا توراعاسىنىڭ ورىنباسارى جانە دەپۋتاتتاردى تۇراقتى كوميتەتتەرگە سايلاۋ ماسەلەسى شەشىمىن تاپتى.
جالپى وتىرىستى اشقان ق.ءمامي پارلامەنتتىڭ بيىلعى سەسسياسىنىڭ الدىنداعى باسىم مىندەتتەردى ەلباسى ن.نازارباەۆ بەس باعىت بويىنشا ناقتى ايقىنداپ بەرگەنىنە ەرەكشە توقتالدى. ەل ەكونوميكاسىن ودان ءارى نىعايتۋ, يننوۆاتسيالىق ۇدەرىستەر مەن «جاسىل ەكونوميكانى» دامىتۋ جانە قۇقىق قورعاۋ ورگاندارىنداعى رەفورمانى ودان ءارى جەتىلدىرۋ كۇن تارتىبىندە تۇر. سوندىقتان وسى زاڭ جوبالارىن ۋاقتىلى جانە ساپالى قاراۋ – ءبىزدىڭ وسى سەسسياداعى باستى مىندەتتەرىمىزدىڭ ءبىرى. سونداي-اق, استانادا ەكسپو-2017 حالىقارالىق مامانداندىرىلعان كورمەسىن ۇيىمداستىرۋ ءۇشىن جانە ساپالى تۇردە جوعارى دەڭگەيدە وتكىزۋ ءۇشىن ءبىرتالاي زاڭ پاكەتتەرىن قابىلداۋ كەرەك, دەدى توراعا.
بۇدان باسقا قىلمىستىق زاڭنامانى, قۇقىق قورعاۋ ورگاندارىن جانە سوت جۇيەسىنىڭ جۇمىسىن جەتىلدىرۋگە, ادام قۇقىقتارىن ءادىل قورعاۋعا باعىتتالعان ءبىر توپ كودەكستەردىڭ, سونداي-اق سوتتاردىڭ ءرولىن ارتتىرۋ جانە ەلدەگى قۇقىق ءتارتىبى جۇيەسىن نىعايتۋ جۇمىستارىن ودان ءارى كۇشەيتۋ قاجەت. پرەزيدەنت ءوز ءسوزىندە اتالعان زاڭدار ازاماتتارىمىزدىڭ ومىرىنە تىكەلەي ىقپال ەتەتىن, ولاردىڭ قۇقىقتارى مەن بوستاندىقتارىن قامتاماسىز ەتەتىن ەلىمىز ءۇشىن وتە ماڭىزدى زاڭدار ەكەنىن تاعى دا اتاپ كەتتى, دەدى ق.ءمامي. سونداي-اق, ءتوراعا ەلباسىنىڭ ءسوزىن كەلتىرە وتىرىپ, ءۇش جىلدىق بيۋدجەتتى تالقىلاۋ بارىسىندا مەملەكەتتىك قاراجاتتىڭ شىعىسىنا, ولاردىڭ دەر كەزىندە يگەرىلۋىنە سەنات باسا نازار اۋدارۋى قاجەتتىگىن اتاپ كورسەتتى.
كۇن تارتىبىنە كىرىسپەس بۇرىن پالاتا وكىلەتتىكتەرى اياقتالعان سەناتورلاردى شىعارىپ سالۋ ءراسىمىن وتكىزدى. سەناتورلىق وكىلەتتىكتەرى اياقتالعان ءادىل احمەتوۆكە, ورالباي ءابدىكارىموۆكە, عاريفوللا ەسىمگە, بولات جىلقىشيەۆكە, عاني قاسىموۆقا, الەكساندر سۋدينگە جانە يۋري تسحايعا سەناتتىڭ زاڭ شىعارۋ قىزمەتىندە دەپۋتاتتىق مىندەتتەرىن ادال دا جوعارى دەڭگەيدە اتقارعاندارى ءۇشىن ريزاشىلىعىن جەتكىزگەن توراعا ولارعا سەناتتىڭ قۇرمەت گراموتاسىن تابىس ەتتى. وتكەن التى جىلدا سەنات دەپۋتاتتارى رەتىندە ءسىزدەر ەل يگىلىگى ءۇشىن بىلىمدەرىڭىز بەن ءتاجىريبەلەرىڭىزدى اياعان جوقسىزدار. وزدەرىڭىزگە جۇكتەلگەن جۇمىستى ادال اتقاردىڭىزدار. ءسىزدەردىڭ وسىنداي ەڭبەكتەرىڭىزدى ءارىپتەستەرىڭىز, بىزدەر عانا ەمەس, قالىڭ قازاقستاندىق جۇرتشىلىق تا جوعارى باعالايدى, دەدى ق.ءمامي.
سونداي-اق, كەشەگى وتىرىستا سەنات توراعاسىنىڭ ۇسىنىسى بويىنشا اشىق داۋىس بەرۋ ارقىلى اسقار بەيسەنباەۆ پالاتا توراعاسىنىڭ ورىنباسارى قىزمەتىنە ءبىراۋىزدان سايلاندى. سەناتور سەرگەي كۋلاگين تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى بولىپ سايلاندى. مەملەكەت باسشىسىنىڭ جارلىعىمەن تاعايىندالعان دەپۋتاتتار سەناتتىڭ تۇراقتى كوميتەتتەرى قۇرامىنا سايلاندى. اتاپ ايتقاندا, بىرعانىم ءايتىموۆا, سەرگەي گروموۆ, ءلاززات قيىنوۆ جانە گەورگي كيم حالىقارالىق قاتىناستار, قورعانىس جانە قاۋىپسىزدىك كوميتەتىنىڭ قۇرامىنا ەندى. كونستيتۋتسيالىق زاڭناما, سوت جۇيەسى جانە قۇقىق قورعاۋ كوميتەتىنە دۋلات قۇسداۋلەتوۆ سايلانسا, سەرىك نوگەربەكوۆ قارجى جانە بيۋدجەت كوميتەتىنە, ال نۇرلان ورازالين الەۋمەتتىك-ءمادەني دامۋ كوميتەتىنە سايلانىپ, بەكىتىلدى.
سەنات توراعاسى ءسوز ورايىندا ءوز وكىمىمەن س
