ايماقتار • 06 ءساۋىر، 2020

تۇركىستاندا بيىل 15 نىسان پايدالانۋعا بەرىلەدى

40 رەتكورسەتىلدى

تۇركىستان قالاسىندا بىرقاتار نىسانداردىڭ قۇرىلىسى مامىر-قىركۇيەك ايلارىندا تولىق اياقتالىپ، ەل يگىلىگىنە بەرىلەدى. تۇڭعىش پرەزيدەنت ساياباعى،  ورتالىق اللەيا، ازىرەت سۇلتان تاريحي-مادەني قورىق-مۋزەيىنىڭ اۋماعىن اباتتاندىرۋ جۇمىستارى اياقتالۋعا جاقىن.

كونە شاھاردا جاڭا عيماراتتاردىڭ قۇرىلىسىنا وڭىرلەر، ۇلتتىق كومپانيالار جانە بيزنەس وكىلدەرى اتسالىسۋدا. وبلىس اكىمى ومىرزاق شوكەەۆتىڭ توراعالىق ەتۋىمەن وتكەن اپتالىق لەزدەمە وتىرىسىندا باسقارمالار، دەپارتامەنتتەر عيماراتى، كونگرەسس ورتالىعى، نۇر-سۇلتان الاڭى، وقۋشىلار سارايى، ستاديون، تسيفرلىق كەڭسە، باسسەينى بار سپورت كەشەنى، سمارت سيتي بايلانىس جەلىلەرى، قالالىق ساياباق، دراما تەاتر، عىلىمي-امبەباپ كىتاپحانا، ۇلى دالا ەلى ورتالىعى، ق.ا.ياسساۋي مۇراجايىن بيىل پايدالانۋعا بەرۋ جوسپارلانعانى ايتىلدى. بۇدان بولەك، اكىمشىلىك-ىسكەرلىك ورتالىعىندا 7 ينجەنەرلىك ينفراقۇرىلىم نىساندارىنىڭ  قۇرىلىس جۇمىستارى وندىرىستىك كەستەگە سايكەس جۇرگىزىلۋدە. بارلىق قۇرىلىس الاڭدارىندا سانيتارلىق-پروفيلاكتيكالىق شارالار كۇشەيتىلگەن.

اپپارات وتىرىسىندا، سونداي-اق وبلىس بويىنشا شەكتەۋ شارالارىنىڭ كوشەيتىلۋى، تۇرعىنداردىڭ ءومىرى مەن دەنساۋلىعىن قورعاۋ ماقساتىندا وڭىردە اتقارىلىپ جاتقان جۇمىستار باياندالدى. التى مىڭعا جۋىق ازاماتقا 42500 تەڭگە كولەمىندە تولەم تاعايىندالعان. قازىرگى تاڭدا بارلىق اۋدان، قالالاردا جۇمىس شتابتارى قۇرىلعان. ەلەكتروندى مەملەكەتتىك پورتالى ارقىلى دا ءوتىنىش قابىلدانادى. ازىرگە 1366 ادام ءوتىنىش بەرگەن.

 

تۇركىستان وبلىسى

 

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

كۇلكى (تريپتيح)

ادەبيەت • بۇگىن، 10:30

ۇقساس جاڭالىقتار