بەلگىلى بولعانداي, ناۋرىز ايىنىڭ باسىنان باستاپ تۇركيادا كوروناۆيرۋس پاندەمياسىنا وراي قالالار اراسىندا بايلانىس ءۇزىلىپ, شەكتەۋلى توتەنشە جاعداي قالىپتاسقان بولاتىن. وسى رەتتە, ەلشىلىك ءاربىر ستۋدەنتتىڭ ساياحات رۇقساتى, ولاردى الىپ جۇرەتىن كولىك رۇقساتتارى, مەديتسينالىق تەكسەرۋ سياقتى راسىمدەردى تر قۇزىرەتتى مەملەكەتتىك ورگاندارىمەن تىعىز جانە جەدەل شەشۋگە كۇش سالدى.
سونىمەن قاتار, بۇدان بۇرىن ىستانبۇلداعى حالىقارالىق اۋەجاي ارقىلى اۋەقاتىناستارعا شەكتەۋ قويىلعالى ەلىمىزگە 1500-دەن استام قر ازاماتى, سونىڭ ىشىندە, قازاقستاندىق ستۋدەنتتەر جانە باسقا ەلدەن ترانزيت ارقىلى وتكەن تۋريستەر قايتارىلعان بولاتىن.
تۇركيا اۋماعىنداعى قالۋعا بەل بۋعان ەلىمىزدىڭ ازاماتتارى قازاقستان ەلشىلىگىنىڭ ەرەكشە نازارىندا جانە ولارمەن تۇراقتى بايلانىستا ورناتىلعان.
