«AZALA Textile» توقىما كومبيناتىندا جىلىنا 2,5 ملن-نان استام توسەك-ورىن جابدىعى شىعارىلادى

بۇگىنگى تاڭدا «AZALA Textile» كومپانياسى - ماقتا تالشىعىن وڭدەۋدەن باستاپ, دايىن بۇيىمداردى تىگۋمەن اينالىساتىن, ياعني وندىرىستىڭ تولىق تسيكلىن جۇرگىزەتىن ەلىمىزدەگى جالعىز كاسىپورىن. مىسالى, ارشىلماعان ماقتانى وڭدەۋدىڭ وندىرىستىك قۋاتى جىلىنا 60 مىڭ توننانى قۇرايدى. ال ماقتا تالشىعىن شىعارۋدىڭ جىلدىق كورسەتكىشى 19 700 توننا.

كومپانيانىڭ جىپ يىرۋ تسەحى شۆەيتساريالىق RieterAG فيرماسىنىڭ جابدىعىمەن جابدىقتالعان. ول ءيىرىمجىپ وندىرۋ بويىنشا ماشينا جابدىقتارىن جوبالاۋ جانە وندىرۋ سالاسىندا الەمدىك كوشباسشى سانالادى. مۇندا جىلىنا 6800 ءتوننا يىرىمجىپ وندىرىلەدى.

سونداي-اق «AZALA Textile» توقىما وندىرىسى ماقتا-ماتا كيىم ماتالارىن -ء بوز, ميتكال, ەنى 155-دەن 320 سم-گە دەيىنگى اتلاس, كيەتىن-تۆيلل, دريلل, ەنى 160 سم جارتىلاي پاناما جانە ورامال تۇكتى, ۆافەلدى توپتاردى دايىندايدى. مۇندا جىلىنا 35 ملن شارشى مەتر ماتا وندىرىلەدى. ايتا كەتۋ كەرەك, بارلىق قۇرىلعى كومپيۋتەرلىك باقىلاۋ جانە جۇمىستىڭ بەلگىلەنگەن پارامەترلەرىن رەتتەۋ جۇيەلەرىمەن جابدىقتالعان. وسىلايشا, بارلىق تەحنولوگيالىق پروتسەستىڭ تۇراقتىلىعى ساقتالۋدا.

«بيزنەستىڭ جول كارتاسى-2020» مەملەكەتتىك باعدارلاماسىنا قاتىسۋدىڭ ارقاسىندا 2014-2015 جىلدارى كومبيناتتىڭ وندىرىستىك قۋاتى كەڭەيتىلءدى. بوياۋ-وڭدەۋ جانە تىگىن تسەحتارى ىسكە قوسىلدى. بوياۋ-وڭدەۋ باعىتىندا بوياۋ پروتسەسى ەكى تۇرلى جۇرگىزىلەدى: تەگىس (ماتانى بەلگىلى بىر تۇسكە بوياۋ), سونداي-اق باسپادا, ياعني ماتاعا سۋرەت تۇرىندە بوياۋ جاعۋ. تسەحتا قوسپالى جانە ماقتا-ماتا ماتالاردى, سونىڭ ىشىندە تۇكتى ماتانى ارلەۋگە ارنالعان جوعارى تەحنولوگيالىق ەۋروپالىق جابدىق قولدانىلادى.

بۇگىندە «AZALA Textile» جشس كومبيناتى ونىمنىڭ كەڭ اسسورتيمەنتىن شىعارادى. بۇل -ء دايىن وڭدەلگەن ماتالار, تۇكتى جانە ۆافەلدى سۇلگىلەر مەن اقجايمالار, توسەك-ورىن جابدىعى, جاستىق پەن كورپە تىستارى, بالالار توقىماسى, سونداي-اق قاتتى يىرىمجىپ (100% ماقتا), قاتتى ماتالار (100% ماقتا, تەگىس, تۇكتى, ۆافەلدى). مۇندا قوناق ۇيلەردى, دەمالىس ۇيلەرىن, بالاباقشالار مەن لاگەرلەردى, مەيرامحانالار مەن دامحانالاردى كەشەندى قامتاماسىز ەتۋگە ارنالعان توقىما جانە تاۋارلار شىعارىلادى. كومبيناتتىڭ بارلىق ونىمى ۇلتتىقجانە حالىقارالىق ساپا ستاندارتتارىنىڭ تالاپتارىنا سايكەس سەرتيفيكاتتالعان.

جالپى قۇنى 3,8 ملرد. تەڭگەنى قۇرايتىن «AZALA Textile» جوباسى مەملەكەتتىك يندۋستريالاندىرۋ باعدارلاماسى اياسىندا جۇزەگە اسىرىلدى. فابريكانى ىسكە قوسۋ يمپورت الماستىرۋ جانە جاڭا جۇمىس ورىندارىن اشۋ سىندى ماقساتتاردى كوزدەدى. بۇگىنگى تاڭدا كومپانييادا 650 ادام ەڭبەك ەتەدى.ء ونىمنىڭ جوعارى ساپاسىنىڭ ارقاسىندا كومبينات قازاقستاننىڭ جەڭىل ونەركاسىبى كوشباسشىلارىنىڭ بىرى بولىپ قانا قويماي, ليتۆا, لاتۆيا, گەرمانيا, يتاليا, پولشا, سونداي-اق جاقىن شەت ەلدەرگە تاۋار ەكسپورتتايدى.