قازاقستان • 04 ءساۋىر، 2020

قىزدار ۋنيۆەرسيتەتى ۇلى تۇلعالار تۋرالى كوميكستەر شىعارا باستادى

75 رەتكورسەتىلدى

قازاق ۇلتتىق قىزدار پەداگوگيكالىق ۋنيۆەرسيتەتى ءتول تاريحتى ۇلىقتاۋدىڭ ەرەكشە جوباسىن قولعا الدى. وقۋ ورنى جات جەردە ەرەكشە ەرلىگىمەن كوزگە ءتۇسىپ، الەم تاريحىنداعى كورنەكتى تۇلعالاردىڭ بىرىنە اينالعان سۇلتان بەيبارىس تۋرالى كوميكس شىعاردىبۇل تۋرالى ۋنيۆەرسيتەتتىڭ رەسمي وكىلى جاندار اسان حابارلادى.

"بالاباقشا تاربيەلەنۋشىلەرى مەن مەكتەپ وقۋشىلارىنا ارنالعان كوميكستە قايراتكەر ءومىرىنىڭ ءار كەزەڭدەرى قاراپايىم تىلمەن جازىلىپ، بەينەلەنگەن. تۇڭعىش رەت قولعا الىنعان باستاما " ۇلى دالانىڭ ۇلى تۇلعالارى" سەرياسى بويىنشا جارىق كورىپ وتىر. شىعارماشىلىق توپ قۇرامىن وقۋ ورنىنىڭ عالىمدارى مەن ستۋدەنتتەرى قۇرايدى"، دەيدى اتالعان جوعارى وقۋ ورنىنىڭ رەسمي وكىلى جاندار اسان.

شىعارماشىلىق ۇجىم الداعى ۋاقىتتا اتالعان سەريا بويىنشا قازاق تاريحىندا وزىندىك دارا ورنى بار تۇلعالار تۋرالى تاعى دا بىرنەشە تۋىندىنى شىعارۋ جوسپارلانىپ وتىرعاندىعىن ايتادى.

"حورەزم بيلەۋشىسى مامۋن يبن مۇحاممەد تالا قارتايعان شاعىندا جاماق جانە لاما اتتى پەرزەنتتەرىنىڭ ىشىنەن تاق مۇراگەرلىگىنە جاماقتى لايىق كورەدى. بۇعان قارسىلىق بىلدىرگەن لاما ءوز باۋىرىنان كەك الۋدى كوزدەيدى. ال جاماقتىڭ بالاسى بەيبارىس ەكەۋارا قارسىلىقتىڭ قۇربانىنا اينالادى. وسى تاريحي اڭىزدىڭ تولىق نۇسقاسى كوميكستە ەگجەي-ەگجەيلى قىسقا ءارى نۇسقا تۇردە بەرىلگەن. كوميكس جاس وقىرماندارعا ارنالعاندىقتان وقيعالار جەلىسى كوپشىلىك ءۇشىن تۇسىنىكتى بولادى دەپ ويلايمىز"، دەپ اتاپ ءوتتى كوميكس اۆتورلارى.

" ۇلى دالانىڭ ۇلى تۇلعالارى" كوميكستەر سەرياسى قازاق ۇلتتىق قىزدار پەداگوگيكالىق ۋنيۆەرسيتەتىنىڭ جانىنداعى "رۋحاني جاڭعىرۋ"جوبالىق كەڭسەسىندە دايىندالىپ، تۋىندىلار ەلىمىزدىڭ بالاباقشالارى مەن مەكتەپتەرىنە تاراتىلۋ جوسپارلانعان.

"بۇل باستاما ارقىلى ءتول تاريحىمىزداعى ەلەۋلى ورنى بار ارداقتى ازاماتتار مەن ەل اناسىنا اينالعان ايەلدەردى كەڭىنەن دارىپتەۋدى ماقسات تۇتامىز. "وتكەنىن ەسكە العان وسكەندىكتىڭ بەلگىسى، وتكەنىن ۇمىتقان وشكەندىكتىڭ بەلگىسى" دەگەن ۇلاعاتتى ۇستانىمدا وسكەلەڭ ۇرپاقتىڭ تاريحي جادىن جاڭعىرتۋدى كوزدەيمىز دەيدى جاندار اسان.

ايتا كەتەيىك، بەيبارىس جاماق ۇلى 1223 جىلى دۇنيەگە كەلگەن.تۇركى اۋلەتى باحريدەن شىققان مامليۋكتەردىڭ مىسىردى بيلەگەن ءتورتىنشى سۇلتانى. ونى تاريحي شىعارمالاردا بەيبارىس، بيبارىس دەپ تە اتايدى. كەزىندە جات ەلگە قۇل بولىپ ساتىلىپ بارسا دا، تەكتىلىگىن تانىتىپ، قاجىماس قايراتتىڭ، مۇقالماس جىگەردىڭ ۇلگىسىن كورسەءتىپ، بيلىك باسىنا كوتەرىلگەن ءماملۇك قىپشاقتاردىڭ رۋحى تەك ارادا جەتى عاسىر وتكەندە عانا بارىپ، بەيبارىس ەسىمى ارقىلى اتامەكەنىنە ورالدى. قازىر ءوزىنىڭ كىندىك قانى تامعان جەرىندە – جايىق وزەنىنىڭ جاعاسىنداعى اتىراۋ قالاسىندا بيىك تۇعىرعا ورنىققان بەيبارىستىڭ ەسكەرتكىشكە اينالعان الىپ تۇلعاسى تاۋەلسىز ەلدىڭ ارايلى تاڭىن جەرلەستەرىمەن بىرگە قارسى الىپ، وشپەس ايعاعىنداي بولىپ اسقاق تۇر.

قۇلدىقتان شىعىپ قايراتكەرلىك دەڭگەيگە كوتەرىلگەن تۇلعا تۋرالى بۇعان دەيىن بىرنەشە كينوفيلم مەن دەرەكتى كىتاپ جارىق كورگەن بولاتىن.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار