ايماقتار • 04 ءساۋىر، 2020

جەتىسايلىق جومارت جاندار

53 رەتكورسەتىلدى

تۇركىستان وڭىرىندە ەڭ كوپ ىندەت جۇقتىرعان جەتىساي اۋدانىنىڭ تۇرعىندارى بولىپ وتىر. بۇل ءجايت جەرگىلىكتى جۇرتتىڭ جۇيكەسىنە كەرى اسەرىن تيگىزىپ جاتقانى دا جاسىرىن ەمەس. دەگەنمەن قيىن ساتتە قول ۇشىن سوزىپ قامىققان كوڭىلدى دەمدەيتىن قايىرىمدى جانداردىڭ بارى قۋانتادى.

جەتىساي اۋدانىنداعى «الاۋلى» جشس باسشىسى بولات تىلەۋجانوۆ پەن كاسىپكەر باقتيار قوزىباەۆ اۋدانداعى تۇرمىسى تومەن جانە كوپبالالى 100 وتباسىنىڭ ارقايسىسىنا 20 مىڭ تەڭگەدەن تەگىن ازىق-ت ۇلىك تاراتتى. قايىرىمدىلىققا جۇمسالعان قارجىنىڭ جالپى سوماسى 2 ملن 160 مىڭ تەڭگە بولادى.

ە

«بۇگىندە ەلىمىزدەگى توتەنشە جاعدايعا بايلانىستى حالىق قيىندىقتاردى باستان وتكەرىپ جاتىر. وسىنداي قيىن شاقتا وبلىسىمىزدىڭ قالتالى ازاماتتارى حالىققا كومەك قولىن سوزۋدا. ارنايى قورعا قىرۋار قارجى اۋدارىپ جاتقان كاسىپكەرلەرىمىز دە از ەمەس. ءبىز دە وسىنداي يگى ىستەن شەت قالماي 100 وتباسىعا از دا بولسا كومەك بەرۋدى ءجون كوردىك. ەڭ باستىسى-ىندەتتىڭ الدىن الىپ، ەلىمىز اۋرۋ-سىرقاۋدان امان-ەسەن شىقسا ەكەن» دەيدى بولات تىلەۋجانوۆ.

قوس كاسىپكەر، سونداي-اق، 50 وتباسىعا 50 كەلىلىك ۇن دا تاراتتى.

 

تۇركىستان وبلىسى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار