قوعام • 04 ءساۋىر، 2020

تۇركىستان: توتەنشە جاعداي ءتارتىبىن بۇزعان 26 ادام قاماۋعا الىندى

146 رەتكورسەتىلدى

تۇركىستان وبلىسى پوليتسيا دەپارتامەنتىنىڭ باستىعى قايرات دالبەكوۆ بلوك-بەكەتتەردە وبلىس اۋماعىنداعى شەكتەۋلەر جايلى تۇرعىندارعا تۇسىندىرمە جۇمىستارىن جۇرگىزدى. بۇگىندە پوليتسيا دەپارتامەنتىنىڭ بارلىق جەكە قۇرامى قىزمەت اتقارۋدىڭ كۇشەيتىلگەن قىزمەتىنە كوشكەن. ينفەكتسيانىڭ الدىن الۋ ماقساتىندا وبلىستا 76 بلوك-بەكەت قويىلعان، وندا تاۋلىك بويى دارىگەرلەر مەن پوليتسەيلەر جۇمىس ىستەيدى. ونىڭ ىشىندە ەكى بلوك-پوست رەسپۋبليكالىق ماڭىزى بار اۆتوجولداردا اشىلعان.

جەتىساي اۋدانىنىڭ ورتالىعىندا، جاڭااۋىل مەن جىلىسۋ اۋىلدىق وكرۋگتەرىندە ابدىقالىق جانە بايقونىس اۋىلدارىنىڭ جانىندا كوروناۆيرۋستىڭ تارالۋ وشاقتارى انىقتالۋىنا بايلانىستى كارانتين ەنگىزىلىپ، جەتىساي پوليتسيا ءبولىمىنىڭ قىزمەتكەرلەرىنەن 14 بلوك-بەكەت قويىلدى.

پ

"توتەنشە جاعداي ەنگىزىلگەننەن بەرى وبلىس پوليتسەيلەرى 84 توتەنشە جاعداي رەجيمىن بۇزۋشىلىقتى انىقتادى، ازاماتتار قر اقبتك-ءنىڭ 476-بابىنا سايكەس "توتەنشە جاعداي رەجيمىن بۇزۋ" بويىنشا اكىمشىلىك جاۋاپكەرشىلىككە تارتىلدى، ونىڭ ىشىندە 26-سى اكىمشىلىك تارتىپتە قاماۋعا الىندى. وبلىس تۇرعىندارىن شەكتەۋ شارالارىنا تۇسىنىستىكپەن قاراۋعا، توتەنشە جاعداي تالاپتارىن قاتاڭ ساقتاۋعا جانە اسا قاجەتسىز ۇيدەن شىقپاۋعا شاقىرامىن" دەدى دەپارتامەنت باستىعى، پوليتسيا گەنەرال-مايورى قايرات دالبەكوۆ.

سونداي-اق دەپارتامەنت قىزمەتكەرلەرى جالعان اقپارات تاراتۋدىڭ 9 جايتىن انىقتادى. كۇدىكتىلەر دەر كەزىندە انىقتالىپ، جاۋاپكەرشىلىككە تارتىلعان.

 

 

تۇركىستان وبلىسى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار