ء–بىز تۇرعىنداردىڭ اماندىعى مەن قاۋىپسىزدىگى ء ۇشىن وسىنداي قادامعا باردىق. ماقساتىمىز – قاۋىپتى ۆيرۋستىڭ تارالۋىنىڭ الدىن الۋ. ساقتانساڭ عانا ساقتايدى! بۇل ۆيرۋستى جەڭۋدىڭ توتە جولى – گيگيەنالىق تازالىقتىڭ ءمىنسىز ساقتالۋى. ۇيدەن شىقپاۋ كەرەك. توي-تومالاققا, ادام كوپ جينالاتىن جەرلەرگە بارماۋ ء–وز ءومىرىڭدى ساقتاۋ. وزگەنىڭ ومىرىنە قاۋىپ توندىرمەۋ, -دەيدى وبلىس اكىمى ماحامبەت جولداسقالي ۇلى.
شىندىعىندا, قاۋىپتى ىندەت تارالعان ساتتە قوناققا بارىپ, بازار مەن دۇكەندەردە توپ-توپ بولىپ ءجۇرۋدىڭ قيسىنى بار ما؟ ء وزى مەن وتباسىنىڭ, اعايىن-تۋىسى مەن ەلىنىڭ اماندىعىن ويلاعان ادام ءدال بۇلاي جاساماس ەدى. ويتكەنى, مەملەكەت بارشاعا قاشىقتان جۇمىس ىستەۋگە مۇمكىندىك بەرىپ وتىر.
ارينە, الدىمەن اركىمنىڭ سابىر ساقتاپ, ۇرەيگە بوي الدىرماۋدىڭ ماڭىزى زور. وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى امانتاي جۇماعاليەۆتىڭ ايتۋىنشا, ۇرەي –ۆيرۋستان دا قاۋىپتى. جالپى, ادامنىڭ ساناسى ۇرەيگە بوي الدىرسا, اعزاداعى يممۋنيتەتتىڭ دە ىندەتكە قارسى كۇرەسۋ بەلسەندىگى السىرەۋى عاجاپ ەمەس...
وڭىردە ساقتىق شارالارى كۇشەيتىلدى. اتىراۋ قالاسىنىڭ ءتورت باعىتىنا بلوك-بەكەتتەر قويىلدى. قازىر اتىراۋ-استراحان, اتىراۋ-ورال, اتىراۋ-يندەر, سونداي-اق, اتىراۋ-دوسسور باعىتتارىنداعى بلوك-بەكەتتەردە پوليتسيا مەن دەنساۋلىق ساقتاۋ سالاسىنىڭ قىزمەتكەرلەرى كەزەكشىلىك اتقارۋدا. وعان «باتىس» وڭىرلىك قولباسشىلىعىنىڭ اسكەريلەرى دە تارتىلدى.
مۇنىڭ ءبارى –ۋاقىتشا شەكتەۋلەر. دەگەنمەن, ۋاقىتشا شەكتەۋلەردى جۇزەگە اسىرۋ كەزىندە زاڭدىلىقتىڭ ساقتالۋىن قامتاماسىز ەتۋگە پروكۋراتۋرا قىزمەتكەرلەرى دە جۇمىلىپ وتىر. وبلىس پروكۋرورى حاليدۋللا داۋەشوۆ «اتىراۋ-استراحان» جانە «اتىراۋ-ورال» باعىتىنداعى بلوك-بەكەتتەردىڭ جۇمىسىن قاداعالادى. قازىر شىعۋ ناتيجەسىمەن شەكتەۋ ءىس-شارالارىن جۇزەگە اسىرۋ بارىسىندا ۋاكىلەتتى ورگانداردىڭ ءىس-قيمىل الگوريتمى ۇيلەستىرىلدى. وبلىستىق پروكۋراتۋرا توتەنشە جاعدايعا, كارانتين مەن شەكتەۋلەرگە وراي ءموبيلدى توپ قۇردى. بۇل توپ بەلگىلەنگەن ءتارتىپتىڭ ساقتالۋىنا جۇيەلى تەكسەرۋ جۇرگىزۋدە.
ءتارتىپ دەمەكشى, وڭىردە توتەنشە جاعداي تالابىنا باعىنعىسى كەلمەيتىندەر كەزدەسىپ وتىر. وبلىستىق پروكۋراتۋرانىڭ ءباسپاسوز قىزمەتىنىڭ حابارلاۋىنشا, اتىراۋدا 38 ادام توتەنشە جاعداي رەجيمىن بۇزعان. ولاردىڭ اراسىندا كىمدەر بار؟
–توتەنشە جاعداي تالاپتارىنىڭ ورىندالۋىن قامتاماسىز ەتۋ ءۇشىن قۇرىلعان ء موبيلدى توپ جۇمىسىنىڭ ناتيجەسىندە رەجيمدى بۇزعانى ءۇشىن 38 ادام جاۋاپقا تارتىلدى. سونىڭ ىشىندە 5 كاسىپكەر اكىمشىلىك قاماۋعا الىندى. ولار –«حانشايىم», ء«نارلى» مەيرامحانالارىنىڭ, «امانجان» كافەسىنىڭ, «فينبەت» بۋكمەكەرلىك كەڭسەسىنىڭ يەلەرى مەن «ياماتو» سۋشي-بارىنىڭ اكىمشىسى -دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
سونداي-اق الەۋمەتتىك جەلىلەردە كورىنەۋ جالعان اقپاراتتار تاراتىپ, ينفەكتسيا جۇقتىرعان ادامداردىڭ اتى-ءجونىن تاراتۋشىلار بار. زاڭدىلىق تۇرعىدان قاراعاندا, جەكە جانە وتباسىلىق قۇپياعا جاتاتىن مالىمەتتەردى تاراتۋدىڭ سوڭى وپىندىرارى داۋسىز. ويتكەنى, قىلمىستىق كودەكستە وسىنداي دەرەكتى تاراتۋشىلار 274-ءشى جانە 147-باپپەن جاۋاپقا تارتىلاتىن ايدان انىق جازىلعان. قازىر اتالعان فاكتىلەرگە بايلانىستى سوتقا دەيىنگى تەرگەپ-تەكسەرۋ جۇرگىزىلۋدە.
تەگىندە توتەنشە جاعدايدىڭ, كارانتين مەن شەكتەۋلەردىڭ تالابى بەيقامدىقتى دا, قىدىرىمپازدىقتى دا كوتەرمەيدى. ءتىپتى, ەكى جەپ, بيگە شىعاتىن پىسىقايلىق تا بۇگىنگى تالاپ ۇدەسىنە ساي كەلمەيدى. ەڭ ماڭىزدىسى –ساقتىق. ويتكەنى, ساقتانعان ادام عانا ساۋ جۇرەرى داۋسىز.
جۇماسات عازيز
