وسى ماقساتتا ءبىر عانا الماتى وبلىسىندا 22,8 مىڭ ادامعا جۇمىس ىستەۋگە مۇمكىندىك بەرەتىن 977 جوبا جۇزەگە اسپاقشى. بۇعان 109,2 ملرد تەڭگە بولىنگەن. قازىر مەملەكەتتىك ساراپتاما قورىتىندىسىنان وتكەن جوبالىق-سمەتالىق قۇجاتتامانىڭ ارقاسىندا ايماق تۇرعىندارى تابىستى جۇمىس ورىنىنان ءۇمىتتى. جالپى, جۇمىس ورىندارىن اشۋ تەك بيۋدجەت قارسىسى ەسەبىنەن عانا جۇزەگە اسىپ جاتقان جوق. جەكە ينۆەستورلار اشقان ءونىدىرىس ورىندارىندا دا جۇمىس كۇشىنە سۇرانىس بار. مىسالى, جەكەمەنشىك ينۆەستيتسيالار ەسەبىنەن 367,6 ملرد تەڭگە جۇمسالعان 75 نىسان ىسكە قوسىلعان. ناتيجەسىندە 5 مىڭنان استام جۇمىس ورىنى اشىلادى. اتاپ ايتقاندا, سينگاپۋر مەملەكەتىنىڭ ينۆەستيتسياسىنا سالىنىپ جاتقان «Alacem» زاۋىتى, بىرىككەن اراب امىرلىگىنىڭ قارجىسىنا اشىلاتىن «فەنيكس فيد ميلس» كومپانياسى, نيدەرلاندتىقتار قولعا العان «ستك Sokol» جوباسى جانە كورشىلەس قىتاي ينۆەستورلارى ىسكە قوساتىن «ميسترال ەنەردجي» كومپانياسىنىڭ ءوندىرىس ورىندارى جۇمىس كۇشىنە دەگەن سۇرانىستى وسىرەدى دەگەن بولجام بار.
ايتپاقشى, توتەنشە جاعداي جاريالانعان مەرزىم ارالىعىندا وبلىستاعى 48 ءىرى كاسىپورىن مەن 158 ورتا ءوندىرىس نىساندارىندا ءوندىرىس كولەمى ازايىپ, سونىڭ سالدارىنان قىزمەتكەرلەردى قىسقارتۋ مەن اقىسىز دەمالىسقا جىبەرۋ دەرەگى تىركەلمەپتى. ياعني, بۇل سالادا جۇمىس ىستەپ جۇرگەن 156 مىڭ ادام ءوز مىندەتەرىن تولىق اتقارىپ, ەڭبەكاقىسىن الىپ وتىر.
- وبلىستا بۇرىن دا جول كارتاسى بويىنشا جۇمىستار اتقارىلدى, بىراق مۇنداي كولەمدە قاراجات العاش رەت ءبولىنىپ وتىر. سوندىقتان, ءبىز قاراجاتتى ۋاقىتىندا جانە ساپالى يگەرۋگە جانە تۇرعىنداردى جۇمىسپەن قامتۋ ماسەلەسىن شەشۋگە مىندەتتىمىز. جوسپارعا سايكەس «ەڭبەك» باعدارلاماسى بويىنشا 22 مىڭ ادامدى جۇمىسپەن قامتۋدىڭ بەلسەندى شاراسى جاسالدى, - دەيدى وبلىس اكىمى اماندىق باتالوۆ.
