ساربازدار جالپى وبلىس اۋماعىندا دەزينفەكتسيالاۋ, زالالسىزداندىرۋ جۇمىستارىن جۇرگىزەدى. بۇل تۋرالى ونلاين-كونفەرەنتسيا بارىسىندا وبلىس اكىمىنىڭ ءبىرىنشى ورىنباسارى سۇڭعات ەسىمحانوۆ مالىمدەدى. سۇڭعات ەسىمحانوۆتىڭ ايتۋىنشا, بۇل ماقسات ءۇشىن پاۆلودار, ەكىباستۇز, اقسۋ قالالارىنىڭ بارلىق كوممۋنالدىق تەحنيكالارى دەزينفەكتسيالاۋ جۇمىستارىنا تارتىلعان. وبلىس ورتالىعىندا نەگىزگى كوشەلەر, ال ەكىباستۇز جانە اقسۋ قالالارىندا بارلىق كوشەلەرگە زالالسىزداندىرۋ جۇمىستارى جۇرگىزىلەدى. قازىر كوممۋنالدىق قىزمەتتەردىڭ بار كۇشى كوشەلەرگە, اۋلالارعا, ءتۇرلى الاڭدار مەن ايالدامالارعا جۇمىلدىرىلعان. كوپ قاباتتى ۇيلەردىڭ كىرەبەرىستەرىن وڭدەۋمەن پاتەر يەلەرىنىڭ كووپەراتيۆى (پيك) اينالىسۋدا.
بىراق, دەزينفەكتسيا جۇمىستارىن مۇلدە دۇرىس جۇرگىزبەگەندەر تۋرالى شاعىمدار قالاداعى 109 قىزمەتىمەن كەلىپ تۇسۋدە.
ال, قورعانىس مينيسترلىگىنىڭ اتىنان كەلگەن دەسانت كۇشتەرى دەزينفەكتسيا جۇمىستارىن جۇرگىزۋگە ارنالعان تەحنيكامەن جانە قاجەتتى قۇرالدارمەن جابدىقتالعان. دەسانت ساربازدارى قالالىق كوممۋنالدىق قىزمەتتەردىڭ بارلىق جۇمىستارىنا, كوپ قاباتتى تۇرعىن ۇيلەردىڭ كىرەبەرىستەرىن وڭدەۋگە جۇمىلدىرۋعا كومەكتەسەدى.
⠀
پاۆلودار
