ناقتىراق ايتساق, وبلىس اكىمى ومىرزاق شوكەەۆ «ەڭبەك» مەملەكەتتىك باعدارلاماسى اياسىندا 70 مىڭنان استام وبلىس تۇرعىندارى جۇمىسپەن قامتىلاتىنىن مالىمدەدى. وعان قوسا, داعدارىسقا قارسى شارالار رەتىندە رەسپۋبليكالىق بيۋدجەتتەن بولىنگەن قوسىمشا قاراجاتقا تاعى 25 مىڭ جۇمىس ورنى اشىلادى. ياعني 100 مىڭعا جۋىق جۇمىسسىز جۇرگەن ازاماتتا تۇراقتى تابىس تابۋ مۇمكىندىگى پايدا بولادى. سونداي-اق «جۇمىسپەن قامتۋدىڭ جول كارتاسى» باعدارلاماسى ارقىلى وبلىستا 497 ينفراقۇرىلىمدىق جوبالاردى ىسكە اسىرۋ كوزدەلگەن. سونىڭ ناتيجەسىندە 22 مىڭنان استام جۇمىس ورنى اشىلاتىنى بولجانىپ وتىر. الەۋمەتتىك مىندەتتەمەلەردى تولىق كولەمدە ورىنداۋ ماقساتىندا وبلىستاعى بارلىق وسال توپتاعى ازاماتتارعا تالداۋ جۇمىستارى جۇرگىزىلىپ, اسىرەسە, از قامتىلعان وتباسىلار, مۇگەدەكتەر, زەينەتكەرلەر ەرەكشە باقىلاۋعا الىنعان.
سونىمەن قاتار ەلباسىنىڭ باستاماسىمەن ەڭ تومەنگى زەينەتاقى الاتىن مۇگەدەكتەر, زەينەتكەرلەر, جەتىم بالالار, قاريالاردى قولداۋ ءۇشىن «بىرگەمىز» قورى قۇرىلدى. بۇل باعىتتاعى جۇمىستار Nur Otan پارتياسىمەن جۇزەگە اسىرىلاتىن بولادى.
تۇركىستان وبلىسى
