«مەملەكەتىمىز ءوز تاۋەلسىزدىگىن العان ساتتەن باستاپ بيزنەستىڭ, شاعىن جانە ورتا كاسىپكەرلىكتىڭ دامۋىنا ەرەكشە دەن قويىپ, كاسىپكەرلەرگە بارىنشا قولايلى جاعدايلار جاساپ كەلدى. ەل پرەزيدەنتىنىڭ جىل سايىنعى حالىققا ارناعان جولداۋلارىندا, باعدارلامالىق قۇجاتتاردا ءىرى, شاعىن جانە ورتا بيزنەس سۋبەكتىلەرىن قولداۋدى كوزدەيتىن ءتۇرلى شارالار ايقىندالدى. سونىڭ ناتيجەسى رەتىندە بۇگىندە قازاقستاندىق بيزنەس ەل ەكونوميكاسىنىڭ فلاگمانىنا اينالدى», دەلىنگەن ۇندەۋدە.
تۇركىستان وبلىستىق ءماسليحاتىنىڭ دەپۋتاتتارى رەسپۋبليكالىق قورعا 122,5 ملن تەڭگە اۋدارعان. سونىمەن قاتار, از قامتاماسىز ەتىلگەن وتباسىلارعا ازىق-ت ۇلىك, گيگيەنالىق قۇرالدار تۇرىندە 8,5 ملن تەڭگەنىڭ كومەگىن كورسەتكەن. وبلىستىق ءماسليحات دەپۋتاتتارى ۇندەۋدە بۇل يگى ىستەردىڭ بارلىعى حالىقتىڭ, تۇتاستاي ۇلتىمىزدىڭ دەنساۋلىعى مەن ءومىرى ءۇشىن جاسالىپ وتىرعان وتە ماڭىزدى شارالار ەكەنىن ايتا كەلە, بارشا ىسكەر ازاماتتاردان, كاسىپكەرلەردەن, ءىرى كاسىپورىندار باسشىلارىنان ەل باسىنا وسىنداي كۇن تۋعاندا ايانىپ قالماستان, رەسپۋبليكالىق قورعا قولدان كەلگەن كومەكتەرىن اۋدارۋدى سۇرايدى.
