6 ساۋىردەن باستاپ وسكەمەن قالاسىنىڭ تۇرعىندارى وبلىس ورتالىعىندا ءجۇرىپ-تۇرۋى ءۇشىن رۇقسات قاعازىن الۋى ءتيىس. ەگەر رۇقسات قاعازى بولماسا, قالا ىشىندە ءجۇرىپ-تۇرۋ شەكتەلەدى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگ بارىسىندا قالا اكىمى جاقسىلىق ومار ءمالىم ەتتى. ء«بىرىنشى ءتيپتى رۇقساتناما بويىنشا قالا تۇرعىندارىن مەديتسينالىق قىزمەتپەن, سونداي-اق سۋ, ەلەكتر جانە جىلۋمەن جابدىقتاۋ, اۆاريالىق قىزمەتتەر, قالانى دەزينفەكتسيالاۋ, قتق جيناۋ جانە كادەگە جاراتۋ, تەلەكوممۋنيكاتسيا, كولىك جانە الەۋمەتتىك قىزمەتتى قامتاماسىز ەتۋ قىزمەتتەرى سالاسىندا ەڭبەك ەتەتىن ادامدارعا بەرىلەدى» دەدى جاقسىلىق ومار.
قالا تۇرعىندارىنىڭ ءجۇرىپ-تۇرۋى ءۇشىن ولارعا ەكىنشى ءتيپتى رۇقساتناما بەرىلەدى. سول ارقىلى وسكەمەندىكتەر اپتاسىنا ءۇش رەت ساۋدا وبەكتىلەرىنە, ءدارىحانالار مەن بانكتەرگە, سونداي-اق مەديتسينالىق مەكەمەلەرگە بارا الادى. الايدا رۇقساتنامانىڭ مۇنداي ءتۇرى ءبىر پاتەرگە بىرەۋدەن عانا بەرىلەدى. ال جاسىل رۇقساتناما جۇپ كۇندەرىنە عانا جارامدى بولسا, اق رۇقساتناما تاق كۇندەرىنە ارنالعان. «رۇقساتنامالاردىڭ مۇنداي ءتۇرىن الۋ ءۇشىن كوپقاباتتى تۇرعىن ۇيلەردىڭ يەلەرى 1 ساۋىردەن باستاپ پيك-كە جانە كوندومينيۋمعا بارا الادى. ال جەكە سەكتوردا تۇراتىن ادامدار رۇقساتنامانى جبك فيليالدارىنان الا الادى. رۇقساتنامانى 6 ساۋىرگە دەيىن الۋ كەرەك. بەرۋ ۋاقىتى 08.00-دەن 00.00-گە دەيىن جۇرگىزىلەدى» دەيدى قالا اكىمى.
وسكەمەن
