«مەملەكەت باسشىسى قاسىم-جومارت كەمەل ۇلى توقاەۆ وسىنداي قيىن-قىستاۋ كەزدە از قامتىلعان جانە ۋاقىتشا جۇمىسسىز قالعان ادامداردى قولداۋ بويىنشا ناقتى شارالار قابىلدادى. بارلىق جۇمىس بەرۋشىلەردى الەۋمەتتىك جاۋاپكەرشىلىك تانىتۋعا جانە جۇمىسپەن قامتۋ باسقارماسىنا (57-87-00, 57-88-88), ەڭبەك ينسپەكتسياسىنا (55-67-27, 55-68-85) جانە "اتامەكەن" كاسىپكەرلەر پالاتاسىنا (1432) بوساعان جۇمىس ورىندارى تۋرالى جەدەل حابارلاۋعا شاقىرامىز. قازىر بىزگە ۇيىمشىلدىق تانىتىپ, الەۋمەتتىك ءالسىز جانە قيىن جاعدايعا تاپ بولعان تۇرعىندارعا قولداۋ كورسەتۋ ءۇشىن بارلىق كۇشىمىزدى جۇمىلدىرۋىمىز قاجەت.
«جۇمىسپەن قامتۋدىڭ جول كارتاسى» اياسىندا بىرقاتار جوبالاردى جۇزەگە اسىرىپ, 15 مىڭ جاڭا جۇمىس ورنىن اشۋدى جوسپارلاپ وتىرمىز.
پرەزيدەنتتىڭ تاپسىرماسىنا سايكەس, 42,5 مىڭ تەڭگە كولەمىندە الەۋمەتتىك تولەم الۋشىلاردىڭ ءتىزىمى ۇزارتىلدى. اقشالاي كومەكتى توتەنشە جاعداي كەزىندە جۇمىسسىز قالعان تۇرعىندار عانا ەمەس ءوزىن-ءوزى جۇمىسپەن قامتىعاندار دا الا الادى. نۇر-سۇلتان قالاسىندا كومەك كورسەتۋ باستالدى. 14 مىڭنان استام ءوتىنىش تۇسسە, ونىڭ 3,5 مىڭعا جۋىعى قارالدى. الەۋمەتتىك قىزمەتكەرلەر كۇشەيتىلگەن جۇمىس رەجيمىنە كوشتى. پروتسەستەر بارىنشا جەڭىلدەتىلدى. ءوتىنىشتى "ەلەكتروندىق ۇكىمەت" ۆەب-پورتالىندا "ەلەكتروندىق ءوتىنىش" سەرۆيسى, ەڭبەك مينيسترلىگىنىڭ telegrambot egov.kz ارقىلى ەلەكتروندىق فورماتتا بەرۋگە بولادى. قوسىمشا اقپارات الۋ ءۇشىن جۇمىسپەن قامتۋ جانە الەۋمەتتىك قورعاۋ باسقارماسىنا 55-14-87, 55-01-74, 55-69-59, 55-67-12, IKomek109 حابارلاسۋعا بولادى. كارانتينگە بايلانىستى بارلىق وتىنىشتەر ونلاين رەجيمىندە عانا قابىلدانادى. تەگىن ازىق-ت ۇلىك پەن تۇرمىسقا قاجەتتى زاتتاردى الاتىن ازاماتتار ساناتىنىڭ ءتىزىمى كەڭەيتىلدى. تج كەزىندە الەۋمەتتىك كومەكتى I,II, III توپتاعى ەرەكشە قاجەتتىلىگى بار ازاماتتار مەن بالالار, ەرەكشە قاجەتتىلىگى بار بالانى كۇتۋمەن اينالىساتىن اتا-انالار, سونداي-اق ااك الۋشىلار الادى. ازاماتتاردىڭ قاۋىپسىزدىگىن قامتاماسىز ەتۋ ءۇشىن كومەك اقشالاي بەرىلەدى. ياعني تىزىمگە ەنگەن تۇرعىنداردىڭ شوتتارىنا 4 اەك – 10 604 تەڭگە اۋدارامىز. (ايدىڭ باسىندا 2 اەك, ايدىڭ ورتاسىندا تاعى 2 اەك).
ەلباسى نۇرسۇلتان ءابىش ۇلى نازارباەۆتىڭ تاپسىرماسىنا سايكەس "Nur Otan" پارتياسىمەن بىرلەسە وتىرىپ, "Birgemiz" اكتسياسى اياسىندا از قامتىلعان 6 مىڭ وتباسىعا - ازىق-ت ۇلىك پەن گيگيەنالىق زاتتار بەرىلەدى. 3600 وتباسى ازىق-ت ۇلىك سەبەتىن الدى.
ديسپانسەرلىك ەسەپتە تۇرعان ەگدە جاستاعى ادامدارعا امبۋلاتوريالىق ءدارى-دارمەكتەردى, قورعانىس قۇرالدارىن, ازىق-ت ۇلىكتى ۇيگە جەتكىزىپ جاتىرمىز. بۇدان باسقا, اتاۋلى الەۋمەتتىك كومەك الاتىن وتباسىلار ءۇشىن قوسىمشا قولداۋ شاراسى ەنگىزىلدى. 1 جاستان 6 جاسقا دەيىنگى بالالار مەن مەكتەپ جاسىنداعى بالالارعا ارنالعان مەملەكەتتىك الەۋمەتتىك كومەك (ماك) بەرىلەدى. ناۋرىز ايىندا مەملەكەتتىك الەۋمەتتىك كومەكتى 2 مىڭ 600 وتباسى الدى – بۇل 4,5 مىڭ بالا. جىل باسىنان بەرى اتاۋلى الەۋمەتتىك كومەك (ااك) 3 مىڭ 400 وتباسىعا تاعايىندالدى. كارانتين ۋاقىتىندا تىكەلەي بايلانىستى بولدىرماۋ ماقساتىندا, ەگەر وتباسى قۇرامى, تۇراتىن مەكەن-جايى جانە تابىس دەڭگەيى وزگەرمەگەن جاعدايدا, ااك وتباسىعا ءوتىنىمسىز بەرىلەدى. مەتسەناتتار دا ۇلكەن كومەك كورسەتىپ جاتىر. ولاردىڭ وسى الەۋمەتتىك جاۋاپكەرشىلىگى ءۇشىن العىس بىلدىرەمىز. قۇرمەتتى ەلوردا تۇرعىندارى, ءبىز وسى كەزەڭنەن بىرگە وتەمىز. #BizBirgemiz», - دەدى ەلوردا اكىمى التاي كولگىنوۆ.
