قالا باسشسى الدىمەن «جىبەك جولى» بازارىندا بولىپ, ونداعى ساۋداگەرلەرمەن جۇزدەستى. ساتىپ الۋشىلاردان باعا جونىندە سۇرادى. كوتەرمە ساۋدا بازارىندا سوڭعى كۇندەرى ازىق-ت ۇلىك باعاسىنىڭ 30-40 تەڭگەگە تومەندەگەنى بايقالادى. ونى ساتۋشى مەن ساتىپ الۋشى دا راستاپ وتىر.
اتاپ ايتار بولساق, كارتوپ 60 تەڭگەدەن باستاپ 130 تەڭگەگە دەيىن ساۋدالانۋدا. پياز 60- 90 تەڭگە ارالىعىندا, ءسابىز 40 -100 تەڭگەدەن ساتىلۋدا. قىرىققاباتتىڭ كەلىسى 45-90 تەڭگەدەن, قىزىلشا 70-100 تەڭگەدەن, تۇرىپ 45-80 تەڭگەدەن ساتىلىپ جاتىر.
ال, قالا ورتالىعىنداعى كوتەرمە «قازىبەك» بازارىندا ءبىرشاما باعانىڭ تۇراقتانعانى بايقالادى. بولشەك ساۋدادا ازداعان ارتىقشىلىقتار بار. تيىسىنشە بيىلعى ونىمدەردىڭ باعاسى ارزانداعان. اتاپ ايتار بولساق, جەرگىلىكتى قيار 350 تەڭگەدەن ساتىلۋدا.
قالا اكىمى بازارعا كەلگەن ءاربىر تۇرعىننىڭ شاعىمىن جەكە-جەكە تىڭداپ, باعانى تۇراقتاندىرۋ ءۇشىن اتقارىلىپ جاتقان جۇمىستاردى ءتۇسىندىردى. ەڭ باستىسى بيلىك بازاردى ارالاعان كەزدە باعانى ارزانداتىپ, ودان كەيىن كوتەرىپ جىبەرگەن ورىنداردىڭ جازالاناتىنىن جەتكىزدى.
مۇرات ايتەنوۆ كاسىپكەرلەردى وسىنداي قيىن-قىستاۋ كەزىندە پايدا تاۋىپ قالۋدى ويلاماي ەلگە مەيلىنشە قولى ءۇشىن بەرۋگە شاقىردى.
قالا اكىمى قوس بازارعا توتەننەن كىرىپ ىشكى ساۋدا ورىندارىن ارالادى. كوپشىلىك تاماقتاناتىن ءدامحانا جۇمىسىن كوردى. ونداعى كەمشىلىكتەردى تەزدەتىپ جويۋعا تاپسىرما بەردى. ولاي ەتپەگەندە بازار جابىلاتىنىن ەسكەرتتى.
شىمكەنت
