مەملەكەتتىك جوعارى وقۋ ورىندارىندا بۇرىندارى جابىلىپ قالعان قازاقستان تاريحى كافەدرالارىن قالپىنا كەلتىرۋ, سول سياقتى دەربەس قازاقستان تاريحى كافەدرالارىن قۇرۋ ماقساتىندا مونيتورينگ جۇرگىزىلدى. مونيتورينگ قازاقستان تاريحى كافەدرالارىنىڭ 19 مەملەكەتتىك جوو-لاردا, ونىڭ ىشىندە 6 ۇلتتىق جانە 13 مەملەكەتتىك جوو-لاردا قايتا قالپىنا كەلتىرۋ جانە جاڭادان قۇرۋ قاجەت بولاتىنىن كورسەتتى.
مەملەكەتتىك جوعارى وقۋ ورىندارىندا بۇرىندارى جابىلىپ قالعان قازاقستان تاريحى كافەدرالارىن قالپىنا كەلتىرۋ, سول سياقتى دەربەس قازاقستان تاريحى كافەدرالارىن قۇرۋ ماقساتىندا مونيتورينگ جۇرگىزىلدى. مونيتورينگ قازاقستان تاريحى كافەدرالارىنىڭ 19 مەملەكەتتىك جوو-لاردا, ونىڭ ىشىندە 6 ۇلتتىق جانە 13 مەملەكەتتىك جوو-لاردا قايتا قالپىنا كەلتىرۋ جانە جاڭادان قۇرۋ قاجەت بولاتىنىن كورسەتتى.
ۇستىمىزدەگى جىلدىڭ ماۋسىم-شىلدە ايلارىندا 19 جوو وسى تاپسىرمانى ورىنداپ شىقتى. ولاردىڭ قاتارىندا ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتى, قازاق ۇلتتىق اگرارلىق ۋنيۆەرسيتەتى, ت.جۇرگەنوۆ اتىنداعى قازاق ونەر اكادەمياسى, س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى, قۇرمانعازى اتىنداعى ۇلتتىق كونسەرۆاتوريا سياقتى 6 ۇلتتىق جوو مەن ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتى, م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى, سەمەي قالاسىنداعى مەملەكەتتىك مەديتسينالىق ۋنيۆەرسيتەت, م.وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتى, قاراعاندى مەملەكەتتىك يندۋستريالىق ۋنيۆەرسيتەتى, رۋدنىي يندۋستريالىق ينستيتۋتى, وڭتۇستىك قازاقستان مەملەكەتتىك فارماتسەۆتيكالىق اكادەمياسى, د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى, جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتى, قاراعاندى مەملەكەتتىك مەديتسينا ۋنيۆەرسيتەتى, م.دۋلاتي اتىنداعى تاراز مەملەكەتتىك ۋنيۆەرسيتەتى سياقتى 13 مەملەكەتتىك جوو بار.
جاڭا كافەدرالاردىڭ كادرلىق الەۋەتى 128 پروفەسسورلىق-وقىتۋشىلىق قۇرامنان, ونىڭ ىشىندە 9 عىلىم دوكتورىنان, 73 عىلىم كانديداتتارىنان تۇرادى. عىلىمي دارەجەلىلىك 64 پايىزدى قۇرايدى.
جاڭا كافەدرالاردىڭ ماقساتتارى مەن مىندەتتەرى:
1. جوو كۋرسىن تاريح جانە تاريحي ءبىلىمدەردى, وقيعالار حرونيكالارىن جۇيەلى زەردەلەۋگە باعىتتاۋ;
2. تاريحتىڭ تەورياسى مەن مەتودولوگياسى, تاريحي تانىمنىڭ قازىرگى زامانعى قۇرىلىمى, تاريحي مەكتەپتەر مەن باعىتتار پروبلەمالارى بويىنشا جالپى جانە ارنايى كۋرستار دايىنداۋ;
3. قازاقستاندىق جاستاردىڭ بويىندا تاريحي سانانى, قازاقستاندىق ءپاتريوتيزمدى, سالت-داستۇرلەرگە, مەملەكەتتىك رامىزدەرگە, ءوز ولكەسىنىڭ تاريحىنا قۇرمەتپەن قاراۋدى قالىپتاستىرۋ;
4. تاريحي بىلىمدەردى ناسيحاتتاۋ, جاندى, تارتىمدى تىلمەن جازىلعان ىرگەلى وقۋلىقتاردى دايارلاۋ جولىمەن ولاردى كەڭىنەن تاراتۋ.
بۇگىندە جوو-لاردا قازاقستان تاريحى بويىنشا جاڭا وقۋ باعدارلامالارىن تالداۋ جانە ازىرلەۋ جونىنەن, سول سياقتى ءبىلىم بەرۋ ۇدەرىسىندە وزىق تەحنولوگيالاردى پايدالانۋ بويىنشا جۇمىس توپتارى قۇرىلدى.
بۇتىندەي العاندا, بۇگىنگى كۇنى 59 جوو-دا, ونىڭ ىشىندە 9 ۇلتتىق, 31 مەملەكەتتىك, 1 حالىقارالىق, 9 اكتسيونەرلەنگەن, سول سياقتى 9 جەكە مەنشىك جوو-لاردا قازاقستان تاريحى كافەدرالارى بار.
مەرەكە تاڭاتاروۆ.
