17:30
يسپانيادا 10 مىڭنان استام ادام قايتىس بولدى
يسپانيادا كوروناۆيرۋستان قايتىس بولعانداردىڭ سانى 10 مىڭنان استى, ءبىر كۇندە 950 ادام ءولىمى تىركەلدى. بۇل - يسپانيا ءۇشىن جاڭا رەكورد.
ەلدە جاعداي تۇراقتانىپ كەلەدى دەپ ايتقانىمەن, يسپانيادا ۆيرۋس جۇقتىرعاندار مەن كوز جۇمعاندار سانى ارتىپ كەلەدى.
دەگەنمەن ناۋرىز ايىنىڭ ءبىرىنشى جارتىسىمەن سالىستىرعاندا ۆيرۋستىڭ تارالۋى 8 پايىزعا ازايعان.
يسپانيا ەۋروپاداعى يتاليادان (110,574 جاعداي) كەيىنگى ۆيرۋس كوپ تاراعان ايماق. بىراق ەكى ەل اراسىندا ىندەت جۇقتىرعاندار سانىندا اسا ايىرماشىلىق جوق. قوس مەملەكەتتىڭ كورسەتكىشى شامالاس.
يسپانيادا 110 238 ادام كوروناۆيرۋس جۇقتىرعان. 26 743 ناۋقاس دەرتتەن ساۋىققان.
15:43
ازەربايجاندا كارانتيندەگىلەردى ەلەكتروندى قۇرالدار ارقىلى باقىلايدى
ازەربايجان رەسپۋبليكاسىندا پوليتسيا جاساعى COVID-19 كوروناۆيرۋس پاندەمياسىنا بايلانىستى كارانتين جاعدايىندا ءار ازاماتتىڭ قوزعالىسىن ەلەكتروندى قۇرالدار ارقىلى قاداعالايتىن بولادى.
اتالعان شارالارعا سايكەس, ۇيدەن شىعۋعا نيەتتى ازامات ءتيىستى نومىرگە قوڭىراۋ شالىپ نەمەسە حابارلاما جىبەرىپ, سىرتقا شىعۋىنىڭ سەبەبىن ءتۇسىندىرۋى ءتيىس.
ەلدە 400 جاعداي تىركەلگەن, 5 ادام قايتىس بولعان, ال 26-سى ساۋىعىپ كەتكەن.
15:01
رەسەيدە ءبىر كۇندە 771 جاعداي تىركەلدى
رەسەي فەدەراتسياسىندا ءبىر تاۋلىكتە كوروناۆيرۋس ينفەكتسياسىن جۇقتىرعان 771 ادام تىركەلدى.
بۇل الدىڭعى كۇنمەن سالىستىرعاندا 28% ارتىق.
جالپى COVID-2019 ۆيرۋسىن جۇقتىرعاندار سانى — 3548 ادام.
13:07
وزبەكستاندا 9 ناۋقاس انىقتالدى
وزبەكستاندا COVID-2019 ۆيرۋسىن جۇقتىرعان تاعى 9 ادام تىركەلدى.
جالپى كوروناۆيرۋس ينفەكتسياسىن جۇقتىرعاندار سانى ‒ 190.
11:18
الەمدە ۆيرۋس جۇقتىرعاندار سانى ميلليونعا جۋىقتادى
دۇنيەجۇزى بويىنشا 937 567 ادام كوروناۆيرۋس جۇقتىرعان. ۆيرۋس ەڭ كوپ تارالعان ەل اقش بولىپ تۇر, ەلدە 216 515 جاعداي تىركەلگەن. دەگەنمەن قايتىس بولعان ادام سانى جاعىنان يتاليا الدا, 110 574 ناۋقاستىڭ 13 155-ءى كوز جۇمعان.
⚡اقش - 216 515 جاعداي, 5 138 ءولىم
⚡يتاليا - 110 574 جاعداي, 13,ء155 ولىم
⚡يسپانيا - 104 118 جاعداي, 9,ء387 ولىم
⚡قىتاي - 82 394 جاعداي, 3,ء316 ولىم
⚡گەرمانيا - 77 981جاعداي, ء931 ولىم
10:27
ءالەمدەگى جاعداي قىسقاشا:
• يسپانيادا 100 مىڭنان استام ادام ۆيرۋس جۇقتىردى
• COVID-19 تۋرالى تەگىن ونلاين-كۋرس باستالدى
• وزبەكستاندا ۆيرۋس جۇقتىرعاندار سانى 181-گە جەتتى
• مەكسيكاعا دەمالىسقا بارعان 28 ستۋدەنت ۆيرۋس جۇقتىرعان
•بەلگيادا 12 جاسار قىز ۇلىبريتانيادا 13 جاسار ۇل كوروناۆيرۋستان قايتىس بولدى
• بۇۇ باس حاتشىسى: بۇل - قازىرگى قوعام ءۇشىن سىني كەزەڭ
