ۇلتتىق ەكونوميكا ءمينيسترى ر. دالەنوۆ, پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ, ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ بايانداما جاسادى. وڭىرلەردەگى احۋال جانە جۇمىسپەن قامتۋدى قولداۋ شارالارى تۋرالى نۇر-سۇلتان قالاسىنىڭ اكىمى ا. كولگىنوۆ, الماتى جانە تۇركىستان وبلىستارىنىڭ اكىمدەرى ا. باتالوۆ پەن ءو. شوكەەۆ باياندادى.
ۇكىمەت باسشىسى باسىم مىندەت جۇمىسپەن قامتۋ ەكەنىن اتاپ ءوتتى. جاڭا «جۇمىسپەن قامتۋدىڭ جول كارتاسىن» قارجىلاندىرۋ 1 ترلن تەڭگەگە ۇلعايتىلدى, بۇل 240 مىڭنان اسا جاڭا جۇمىس ورنىن قۇرۋعا مۇمكىندىك بەرەدى, بۇعان جوبالار ىسكە اسىرىلاتىن كەزدە قۇرىلاتىن ۋاقىتشا جۇمىس ورىندارى عانا ەمەس, تۇراقتى جۇمىس ورىندارىن قۇرۋ دا كىرەدى.
«جۇمىسپەن قامتۋ جول كارتاسىن ىسكە اسىرۋ ينفراقۇرىلىمدى جاڭعىرتۋ مەن ءتيىمدى اكتيۆتەردى قۇرۋدىڭ نەگىزى بولۋى ءتيىس, ولار بولاشاقتا ءوسۋ مەن دامۋعا نەگىز بولادى», — دەدى ا. مامين.
پرەمەر-مينيستر كاسىپكەرلەردى قولداۋ ءۇشىن سالىقتىق جەڭىلدىكتەر قابىلدانعانىن ايتتى. ولار ەكونوميكانىڭ ءتۇرلى سالالارىن قامتيدى, ونىڭ ىشىندە: ساۋدا, قوعامدىق تاماقتاندىرۋ, قوناق ءۇي جانە تۋريستىك بيزنەس, سونداي-اق قىزمەت كورسەتۋ سەكتورىنىڭ باسقا دا سالالارى بار. سالىقتان بوساتۋ جانە مولشەرلەمەلەردى تومەندەتۋ ءتۇرلى مەرزىمگە جانە 700 مىڭنان استام كاسىپكەرلىك سۋبەكتىسىنە قولدانىلادى.
الەۋمەتتىك تولەمدەردى الۋشىلاردىڭ قاتارى ارتادى, ونىڭ ىشىندە جۇمىسىنان ايىرىلعان ءوزىن-ءوزى جۇمىسپەن قامتىعاندار, سونداي-اق حالىقتىڭ الەۋمەتتىك جاعىنان ءالسىز كەيبىر توپتارى بار. شامامەن 3 ملن قازاقستاندىق 42500 تەڭگە مولشەرىندە تولەماقى الاتىن بولادى.
كوپ بالالى وتباسىلارعا, جۇمىسسىزدارعا تۇراقتى نەگىزدە تۇرمىستىق ازىق-ت ۇلىك جيىنتىعى تەگىن بەرىلەتىن بولادى. بۇل شارامەن 800 مىڭنان اسا ادام قامتىلادى.
ۇكىمەت باسشىسى اكىمدەرگە مۇددەلى مەملەكەتتىك ورگاندارمەن بىرلەسىپ, جاڭا جۇمىسپەن قامتۋ جول كارتاسىن ۋاقىتىلى ءارى ءتيىمدى ىسكە اسىرۋدى, الەۋمەتتىك قولداۋدىڭ بارلىق تۇرلەرىن تولەۋدى قامتاماسىز ەتۋدى تاپسىردى.
«مەملەكەت باسشىسىنىڭ بارلىق تاپسىرمالارى قاجەتتى قارجىلاندىرۋمەن قامتاماسىز ەتىلىپ, ۋاقىتىلى ورىندالاتىن بولادى», — دەدى ا. مامين.
