پەتروپاۆل №2 جىلۋ ەلەكتر ورتالىعى وزدەرىنە جۇكتەلگەن ينۆەستيتسيالىق باعدارلامالاردى جۇزەگە اسىرىپ كەلەدى. ستانسانىڭ كوپتەن بەرى كۇردەلى جوندەۋ كورمەگەن №6 قازان اگرەگاتىنىڭ قىزدىرۋ بەتتەرى تولىق اۋىستىرىلىپ, كۇل ۇستاعىش جابدىقتار ورناتىلدى. وسىلايشا, قايتا جاڭارتۋدان كەيىن بۋ ونىمدىلىگى ساعاتىنا 220-270 تونناعا دەيىن ارتتى. وزىق جوبالاردىڭ جالپى قۇنى 2 696,435 ميلليون تەڭگە بولسا, ولار شەكتى تاريفتەر جانە بانكتەن الىنعان ينۆەستيتسيالىق قارىزدار ارقىلى تولىققاندى جۇزەگە اسىرىلدى. №7 قازاندىق اگرەگاتى دا قايتا جاڭارتۋدىڭ ناتيجەسىندە قۋاتتىلىعى 220-270 تونناعا دەيىن, ەلەكتر قۋاتىنىڭ ءوندىرىلۋى 53-65 مۆت-عا دەيىن كوبەيىپ, قورشاعان ورتانىڭ ەميسسيالارى تەحنيكالىق تالاپتارىنا سايكەستەندىرىلدى. سونداي-اق, اۆتوماتتاندىرىلعان باسقارۋ جۇيەسى ەنگىزىلدى. وسى جوباعا جۇمسالعان كاپيتال سالىمى 2 943, 856 ميلليون تەڭگەنى قۇرادى. قايتا جاڭارتۋ ارقىلى شارتتى وتىننىڭ ۇنەمدەلۋى №6 قازاندىقتا 3938,2 توننانى, №7 قازاندىقتا 3715,3 توننانى قۇراپ وتىر.
پەتروپاۆل №2 جىلۋ ەلەكتر ورتالىعى وزدەرىنە جۇكتەلگەن ينۆەستيتسيالىق باعدارلامالاردى جۇزەگە اسىرىپ كەلەدى. ستانسانىڭ كوپتەن بەرى كۇردەلى جوندەۋ كورمەگەن №6 قازان اگرەگاتىنىڭ قىزدىرۋ بەتتەرى تولىق اۋىستىرىلىپ, كۇل ۇستاعىش جابدىقتار ورناتىلدى. وسىلايشا, قايتا جاڭارتۋدان كەيىن بۋ ونىمدىلىگى ساعاتىنا 220-270 تونناعا دەيىن ارتتى. وزىق جوبالاردىڭ جالپى قۇنى 2 696,435 ميلليون تەڭگە بولسا, ولار شەكتى تاريفتەر جانە بانكتەن الىنعان ينۆەستيتسيالىق قارىزدار ارقىلى تولىققاندى جۇزەگە اسىرىلدى. №7 قازاندىق اگرەگاتى دا قايتا جاڭارتۋدىڭ ناتيجەسىندە قۋاتتىلىعى 220-270 تونناعا دەيىن, ەلەكتر قۋاتىنىڭ ءوندىرىلۋى 53-65 مۆت-عا دەيىن كوبەيىپ, قورشاعان ورتانىڭ ەميسسيالارى تەحنيكالىق تالاپتارىنا سايكەستەندىرىلدى. سونداي-اق, اۆتوماتتاندىرىلعان باسقارۋ جۇيەسى ەنگىزىلدى. وسى جوباعا جۇمسالعان كاپيتال سالىمى 2 943, 856 ميلليون تەڭگەنى قۇرادى. قايتا جاڭارتۋ ارقىلى شارتتى وتىننىڭ ۇنەمدەلۋى №6 قازاندىقتا 3938,2 توننانى, №7 قازاندىقتا 3715,3 توننانى قۇراپ وتىر.
بۇگىندە №8 قازاندىق اگرەگاتىنىڭ مونتاجداۋ جۇمىستارىنىڭ 70,5 پايىزى ورىندالىپ, بارلىعى 4698,181 ميلليون تەڭگە جۇمساۋ كوزدەلگەن. جاڭا اگرەگات ىسكە قوسىلعان كەزدە ەكولوگيالىق جانە ەكونوميكالىق ۇنەمدىلىكپەن جۇمىس ىستەيتىن بولادى.
جەو-دا اتقارىلىپ جاتقان ءىرى شارالاردىڭ بىرىنە ابدەن توزىعى جەتكەن №4 تۋربينا اگرەگاتىن ۋرال زاۋىتىنىڭ جاڭا “ت-50/60-90” تۋربيناسىنا اۋىستىرۋ جۇمىسىن جاتقىزۋعا بولادى. قازىر جالپى جاڭارتۋ كولەمىنىڭ 53,5 پايىزى اتقارىلدى. بۇگىندە تۋربينا كورپۋسىنىڭ تومەنگى بولىگى مەن گەنەراتور ستاتورىن جوبالىق جاعدايعا جەتكىزۋ ءىسى قولعا الىنعان. سونىمەن بىرگە جوعارى جانە تومەن قىسىمدى قۇبىرلاردى, قوسالقى جابدىقتاردى مونتاجداۋ جانە اۆتوماتتاندىرىلعان باسقارۋ جۇيەسىن ورناتۋ قىزۋ قارقىن العان. مامانداردىڭ ايتۋىنشا, جاڭا تۋربينالىق اگرەگاتتار جىلىنا ەلەكتر قۋاتىن 50 مۆت-عا كوبەيتۋگە جانە قوسىمشا 320 ملن. كۆت./ساعات شاماسىندا ەلەكتر قۋاتىن وندىرۋگە, جىلۋ قۋاتتىلىعىن 96 گكال/ساعاتقا ارتتىرۋعا مۇمكىندىك بەرەدى. وتىن ۇنەمى ءبىر شارتتى جىلعا 15055,4 توننا كومىرگە تەڭ. جاڭا تۋربوگەنەراتوردىڭ جوبالىق قۇنى 5373 ميلليون تەڭگەدەن اسادى.
جىلۋ قۋاتىن وندىرۋدەن تۇسكەن قاراجاتقا ستانسانىڭ №2, 3,10,11 قازاندىق اگرەگاتتارىنىڭ قىزدىرما بەتتەرى اۋىستىرىلدى. ەندى كومپانيانىڭ جوسپارىندا №1 جانە №5 تۋربواگرەگاتتاردى ورناتۋ مىندەتى تۇر. ولاردىڭ جابدىقتارىن جەتكىزۋگە ۋرال تۋربينا زاۋىتىمەن كەلىسىمشارتتار جاسالعان.
جاڭعىرتۋ باعدارلامالارى اياقتالعاننان كەيىن قازاندىق اگرەگاتتار سانى قازىرگى جۇمىس ىستەپ تۇرعان 11 بىرلىكتىڭ ورنىنا 12-گە جەتەدى, ال ستانسانىڭ تولىققان قۋاتتىلىعى 347 مۆت-دان 480 مۆت-عا دەيىن ارتادى. ءسويتىپ, 2015 جىلعا تامان ەسكىرگەن قۇرال-جابدىقتاردىڭ 35-40 پايىزى وسى زامانعى قۋات ۇنەمدەگىش قۇرىلعىلارعا اۋىستىرىلاتىن بولادى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
