قوعام • 01 ءساۋىر، 2020

تۇڭعىشباي جامانقۇلوۆ: ايداۋعا كونبەس قازاعىم، ايتقانعا كونەيىك

1470 رەتكورسەتىلدى

ەل باسىنا كۇن تۋعان الماعايىپ كەزەڭدى كەشۋدەمىز... جەر-انانى جايلاعان، اۋاسىن جۇتىپ، سۋىنان ءنار العان ادامزات بالاسىنا قاتەر ءتوندى... دەرت كەلدى...

دۇنيە-جارىقتى ۇرەي بيلەپ، جەر ەمگەن پەندە بىتكەن ءپارۋانا كەيىپكە ەنىپ، جامان دەرتپەن الىسىپ جانتالاسۋدا... الايدا، ادام بالاسى جانتالاستان مەيىرىمگە كوشىپ، تاس-ءتۇيىن بوپ تاتۋلىققا ويىستى... قازاق دەگەن قايىرىمى مول حالىقتى ءبىر كىسىدەي بىرلىك پەن دەرتكە قارسى تىرلىككە، كۇرەسكە شاقىرعان پرەزيدەنتىمىز الەمدەگى ەلدەردىڭ الدى بولىپ، حالقىن قۇشاعىنا الىپ، اتى جامان ىندەتتەن قورعاشتاۋ ماقساتىنداعى ۇندەۋى ءتۇبى قايىر جەڭىسكە، الداعى قۋانىشقا دەگەن ۇلى سەنىم ۇيالاتتى. قاسىم-جومارت كەمەل ۇلى تالاي اسۋ-اسۋ بەلدەردەن امان قالعان ەلىن بۇل كەزەڭنەن دە كەنەن ىستەرىمەن امان وتكىزەرىنە كۇمان جوعىن ايقىن ءبىلدىردى، الاپات كۇرەستىڭ قان ورتاسىندا، حاق باسىندا ەكەنىن دە انىق بايقاتتى. ءار ازاماتتىڭ نازاردا ەكەنى، ولاردىڭ ارقايسىسىنىڭ ءومىرى مەن دەنساۋلىعى ءۇشىن مەملەكەتتىڭ سوڭعى تيىنىنا دەيىن سارپ ەتەرىن باتىل ايتتى! جيعان-تەرگەن، باقۋات-بايلىق ادام ءۇشىن، ونىڭ اماندىعى مەن ۇلتىنا دەگەن ۇلى ماحابباتىنىڭ جولىندا قۇرباندىق ەكەنىن ەسكە سالدى! ايداۋعا كونبەس قازاعىم، ايتقانعا كونەيىك، باسىن بايگەگە تىككەن مەملەكەت باسشىسىنىڭ توڭىرەگىنە جينالايىق تارگە جىعىلايىق! جۇدىرىقتاي جۇمىلايىق! ءبىز جەڭەمىز! ءبىز بىرگەمىز!

سوڭعى جاڭالىقتار

ۇقساس جاڭالىقتار