ايماقتار • 01 ءساۋىر، 2020

شىمكەنتتە ەنگىزىلگەن شەكتەۋ شارالارى حالىققا ءاربىر 2 ساعات سايىن جەتكىزىلۋدە

166 رەتكورسەتىلدى

بۇل تۋرالى اقپاراتتىق-كوممۋنيكاتسيالىق ورتالىقتا وتكەن بريفينگتە شىمكەنت قالاسى توتەنشە جاعدايلار دەپارتامەنتىنىڭ باستىعى، ازاماتتىق قورعاۋ پولكوۆنيگى نۇربولات دەربىسوۆ مالىمدەدى. 

كوروناۆيرۋس پاندەمياسىنىڭ تارالۋىن جول بەرمەۋ ماقساتىندا رەسپۋبليكا اۋماعىندا توتەنشە جاعداي جاريالاعانى بارشاڭىزعا بەلگىلى. 

– وسىعان بايلانىستى قالا تۇرعىندارىن ۇيدە بولۋدى، اسا قاجەتتىلىك بولماسا كوشەگە شىقپاۋعا جانە بارلىق سانيتارلىق جانە گيگيەنالىق نورمالاردى ساقتاۋعا شاقىرامىز. ۇيدە تۇرمىستىق ورتتەردى، ۋلى جانە تابيعي گازبەن ۋلانۋدى بولدىرماۋ ماقساتىندا ەلەكتر جانە باسقا دا قۇرالداردى پايدالانۋ كەزىندە بارلىق قاۋىپسىزدىك شارالارىن نەمەسە ءورت قاۋىپسىزدىگى تالاپتارىن ساقتاۋدى سۇرايمىز.شىمكەنت قالالىق تجد جەكە قۇرامى كۇشەيتىلگەن تۇردە قىزمەت اتقارۋدا. دەپارتامەنتتىڭ جەكە قۇرامى بارلىق بەتپەردەلەر مەن دەزينفەكتسيالىق قۇرالدارمەن قامتىلعان.

دەپارتامەنتتىڭ بارلىق باعىنىستى بولىمشەلەرىندە دەزينفەكتسيالىق جۇمىستار اتقارىلعان، قازىرگى تاڭدا ءاربىر 2 ساعات سايىن ءۇي-جايلار مەن جابدىقتاردى زالالسىنداندىرىلادى، - دەدى نۇربولات دەربىسوۆ. 

سونداي-اق، ەنگىزىلگەن شەكتەۋ شارالاردى حالىققا جەتكىزۋ ماقساتىندا دەپارتامەنت ەكى ءموبيلدى اۆتوكولىك كەشەنىن ۇيىمداستىرعان. بەلگىلەنگەن مارشرۋت بويىنشا داۋىسزورايتقىش ارقىلى شەكتەۋ شارالارى حالىققا جەتكىزىلۋدە. بۇل باعىتتاعى جۇمىستار كۇندەلىكتى اتقارىلۋدا. سونىمەن قاتار 30 رەسپۋبليكالىق جانە جەرگىلىكتى تەلەارنا مەن 3 راديوارناسىن توقتاتىپ، شىمكەنتتە ەنگىزىلگەن شەكتەۋ شارالارى حالىققا ءاربىر 2 ساعات سايىن جەتكىزىلۋدە.

شىمكەنت قالاسى اۋماعىندا 18 بلوك-پوستتار جۇمىس اتقارىپ، قۇقىق قورعاۋ ورگاندارى ءوز مىندەتتەرىن اتقارۋدا. دەپارتامەنتتىڭ تاۋلىك بويى جۇمىس اتقاراتىن «101» جانە «112» تەلەفون ارقىلى حالىقتان حابارلامالار قابىلدانۋدا. بارلىق تەلەفون حابارلامالار بويىنشا كومەك كورسەتىلۋدە.

 

شىمكەنت 

سوڭعى جاڭالىقتار

ۇقساس جاڭالىقتار