ايماقتار • 01 ءساۋىر، 2020

قالعىمايتىن قالادان – كارانتيندەگى قالاعا دەيىن

21 رەتكورسەتىلدى

ادەتتە ەلوردانىڭ تىرشىلىگى كۇنى-ءتۇنى ءبىر دامىلداعان ەمەس. قاي سالانىڭ دا قازاندىعى ۇزدىكسىز قايناپ جاتاتىن. ال قازىر باس شاھاردىڭ تىنىسى بۇرىنعىدان وزگەرەك. قاپتاعان كولىكتىڭ شۋى ازايىپ، تىرلىك  سايابىرسىعان. قالعىمايتىن قالانىڭ تۇرعىندارى دا جىم-جىرت...كارانتين ويتكەنى. قالانىڭ قازىرگى دامىلداعان كەزەڭى ادەتتەگى كۇندەگى تۇنگى تىنىشتىقپەن پارا-پار كەلەدى ەكەن.

قازىرگى كارانتين جاعدايىنا بايلانىستى ەلىمىزدىڭ باس قالاسىندا كولىك قوزعالىسى كۇرت ازايىپ، تۇرعىنداردىڭ ءوزىن-ءوزى وقشاۋلاۋى 4،25 بالل دەڭگەيىنە جەتكەن. بۇل تۋرالى نۇرسۇلتان قالاسى اكىمىنىڭ ورىنباسارى ماليكا بەكتۇروۆا تەلەگرامم-كانالىندا حابارلادى.

جول قوزعالىسىن باقىلايتىن «سەرگەك» ترافيگىنىڭ يندەكسى بويىنشا 2020 جىلدىڭ 12 ناۋرىزىنان باستاپ، ەلوردا جولدارىندا كولىك سانى 71 پايىزعا ازايعان. ماماندار «سەرگەك» جۇيەسىنىڭ كارانتينگە دەيىنگى جانە توتەنشە جاعداي جاريالانىپ، كارانتين ەنگىزىلگەننەن كەيىنگى دەرەكتەردى سالىستىرعان. سوندا بۇرىن ادەتتەگى قالا تىرشىلىگىندەگى كۇندىزگى قوزعالىس 0،5 بالعا تەڭ بولسا، ەلوردانىڭ تۇنگى ۋاقىتتاعى كورسەتكىشى 4.6 بالل بولعان.

ال قازىرگى كارانتين كەزەڭىندەگى قالالىق قىزمەتتەردىڭ، اتاپ ايتقاندا، پوليتسيانىڭ، جەدەل جاردەمنىڭ، اس-سۋ تاسيتىن قىزمەتتەردىڭ قوزعالىسىن قوسا ەسەپتەگەندە، ەڭ جوعارى بالل ­– 4،5-كە عانا جەتكەن، ياعني ادەتتەگى تۇنگى كەزدەگى تىنىشتىقپەن پارا-پار بولعان. بۇل دەگەنىڭىز باس شاھار تۇرعىندارىنىڭ ءوزىن-ءوزى وقشاۋلاۋ ءتارتىبىن ايتارلىقتاي ساقتاپ جاتقانىن بىلدىرەدى، دەيدى اكىم ورىنباسارى.  

قىمبات توقتامۇرات

سوڭعى جاڭالىقتار

ۇقساس جاڭالىقتار