ايماقتار • 01 ءساۋىر، 2020

شىمكەنت: سىبايلاس جەمقورلىققا قارسى قىزمەت 65 ملن تەڭگە بيۋدجەت قاراجاتىن ۇنەمدەدى

41 رەتكورسەتىلدى

بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى باسشىسىنىڭ ءبىرىنشى ورىنباسارى ت. سەرىكباەۆ ونلاين-بريفينگتە حابارلادى.

ول دەپارتامەنتتىڭ اعىمداعى جىلدىڭ ءبىرىنشى توقسانىنداعى جۇمىس قورىتىندىسى مەن توتەنشە جاعداي كەزىندەگى ورگان قىزمەتىنىڭ فورماتى تۋرالى بايانداما جاسادى.

سپيكەردىڭ ايتۋىنشا، سىبايلاس جەمقورلىقتىڭ الدىن الۋدىڭ ءبىر باعىتى مەملەكەتتىك ساتىپ الۋ مونيتورينگى بولىپ تابىلادى. ول "ساتىپ الۋدىڭ بىرىڭعاي تەرەزەسى" ۆەب-پورتالى ارقىلى وتكىزىلەدى.

مونيتورينگتىڭ نەگىزگى ماقساتى مەملەكەتتىك ساتىپ الۋلارداعى باعانى كوتەرۋ فاكتىلەرىن انىقتاۋ، بيۋدجەت قاراجاتىن ماقساتسىز پايدالانۋدى جانە جىمقىرۋدى بولدىرماۋ بولىپ تابىلادى.

«اعىمداعى جىلى ءبىز ءبىلىم بەرۋ، تابيعي رەسۋرستار، ەكونوميكا، جۇمىسپەن قامتۋ، سونداي-اق ەڭبەك جانە حالىقتى الەۋمەتتىك قورعاۋ سالالارىنداعى ساتىپ الۋلارعا مونيتورينگ جۇرگىزدىك. بۇگىنگى كۇنى ءبىزدىڭ ۇسىنىمدارىمىز بويىنشا 7 مەملەكەتتىك ورگانداردىڭ ساتىپ الۋ باعاسى قايتا قارالدى» - دەپ اتاپ ءوتتى تالعار سەرىكباەۆ.

مىسالى، «ا.اسقاروۆ اتىنداعى دەندرولوگيالىق ساياباق» مەملەكەتتىك كوممۋنالدىق قازىنالىق كاسىپورىنعا جالپى سوماسى 57 ملن.تەڭگەگە  جىلىجاي مەن مەتالل كونسترۋكتسيالارىن ساتىپ الۋ جوسپارلانعان بولاتىن. مونيتورينگ كەزىندە تاۋارلار قۇنىنىڭ ايتارلىقتاي كوتەرمەلەنۋى انىقتالىپ،ەنگىزىلگەن ۇسىنىستاردىڭ ناتيجەسىندە اتالعان قاراجات بيۋدجەتكە قايتارىلدى.

سونىمەن قاتار، ەنگىزىلگەن ۇسىنىمداردان كەيىن قالالىق ەكونوميكا جانە بيۋدجەتتىك جوسپارلاۋ باسقارماسى قىمبات پلانشەتتەردى ساتىپ الۋ بويىنشا مەملەكەتتىك ساتىپ الۋ باعاسىن قايتا قاراسا، ەڭبەك جانە حالىقتى الەۋمەتتىك قورعاۋ دەپارتامەنتى كارتريدجدەردىڭ ساتىپ الۋ باعاسىن تومەندەتتى. ۇنەمدەۋ سوماسى 8 ملن تەڭگەنى قۇرادى.

«جالپى بۇگىنگى تاڭدا ۇنەمدەلگەن بيۋدجەت قاراجاتىنىڭ سوماسى 65 ملن. تەڭگەنى قۇراپ وتىر. بىرقاتار مەملەكەتتىك ساتىپ الۋ پروتسەدۋرالارى قايتا قارالۋدا، كۇتىلەتىن ۇنەمدەلەتىن قارجى شامامەن 440 ملن. تەڭگەنى قۇرايدى.  

بيۋدجەت قاراجاتىن ءتيىمدى پايدالانۋ، جىمقىرۋدى بولدىرماۋ ءبىزدىڭ ورگاننىڭ باسىم مىندەتى بولىپ تابىلادى. بۇل جۇمىس تۇراقتى نەگىزدە جۇزەگە اسىرىلاتىن بولادى» - دەپ تولىقتىردى سپيكەر.

شىمكەنت 

سوڭعى جاڭالىقتار

ۇقساس جاڭالىقتار