ايماقتار • 01 ءساۋىر، 2020

عالىمجان، راحىمجان، مەيىرجان: ۇشەم ۇيىنە باردى

44 رەتكورسەتىلدى

29 اقپان كۇنى الماتى قالاسىنداعى وبلىستىق كوپسالالى كلينيكالىق اۋرۋحانادا ۇشەمنىڭ كىندىگى كەسىلگەن ەدى. جامبىل اۋدانىنا قاراستى قارعالى اۋىلىندا تۇراتىن ءلاززات قالانوۆا امان-ەسەن اياق-قولىن باۋىرىنا الىپ، عالىمجان، راحىمجان جانە مەيىرجان ەسىمدى 3 ۇلدى دۇنيەگە اكەلگەن. بۇگىن سابيلەر اناسىمەن بىرگە ۇيىنە اتتاندى.

- قازىر ءۇش ۇلدىڭ دا، اناسىنىڭ دا دەنساۋلىقتارى جاقسى.  ءبىزدىڭ اۋرۋحاناعا 11 اقپان كۇنى جوسپارلى تۇردە جاتقىزعان بولاتىنبىز. جۇكتىلىكتىڭ 31 اپتاسىندا كەسىر تىلىگىن جاساۋ ارقىلى ءۇش ۇل ياعني، 29 اقپان كۇنى دۇنيەگە كەلدى. بۇل جاعدايدى دەنساۋلىق ساقتاۋ باسقارماسى ۇنەمى باقىلاۋدا ۇستاپ وتىردى. الماتى وبلىسى اكىمىنىڭ ورىنباسارى باتىرجان بايجۇمانوۆ پەن دەنساۋلىق ساقتاۋ باسقارماسىنىڭ باسشىسى باۋىرجان ىسقاق 8 ناۋرىز كۇنى  ارنايى كەلىپ، ۇشەمدەردىڭ اناسىن مەرەكەسىمەن قۇتتىقتاعان بولاتىن،- دەدى الماتى وبلىستىق كوپسالالى كلينيكالىق اۋرۋحاناسىنىڭ ديرەكتورى جۇماحان مولداقۇلوۆ.

ۇشەمدى ۇيىنە اۋرۋحاننىڭ جەدەل جاردەم كولىگى جەتكىزدى.   ولاردىڭ قارعالى اۋىلىنداعى ۇيىنە اۋداندىق اۋرۋحانا قىزمەتكەرلەرى دەزينفەكتسيالاۋ جۇمىستارىن جۇرگىزگەن بولاتىن. دارىگەرلەر وتباسى مۇشەلەرىنە الگاريتمگە ساي زالالسىزداندىرۋدى ۇيرەتتى. سونداي-اق اليستانوۆتار وتباسىنا اتالعان اۋرۋحانادان ارنايى دەزينفەكتسياعا ارنالعان قۇرالدار، جەكە قورعانىس قۇرالدارى دا بەرىلدى.

 

الماتى وبلىسى

سوڭعى جاڭالىقتار

ۇقساس جاڭالىقتار