ەكونوميكا • 01 ءساۋىر، 2020

قانشا كاسىپورىن مەملەكەتتىك قولداۋعا يە بولدى؟

16 رەتكورسەتىلدى

اگرارلىق ءونىم وندىرشىلەردى مەملەكەتتىك قولداۋدىڭ www.qoldau.kz  بىرىڭعاي پورتالى  سوڭعى ءۇش جىلداعى اوك سۋبسيديا الۋشىلاردىڭ ءتىزىلىمىن جاريالادى. كەز كەلگەن ازامات بۇل پورتالدان قازاقستاندىق قانداي كاسىپورىن قانداي كولەمدە مەملەكەتتىك قولداۋ الىپ جاتقانىن بىلە الادى.

بىلتىر بۇل تىزىمدە ەلىمىزدىڭ 33 مىڭنان استام كاسىپورىنى جاريالانعان ەكەن، بيىل ولاردىڭ سانى ازىرگە 7 مىڭنان اسادى.

- ارينە، ەلەكتروندىق سۋبسيديالاۋ ۇدەرىستەرى ءالى تولىق جەتىلدىرىلە قويعان جوق. سوندىقتان ارىز-شاعىمداردىڭ بولاتىنى زاڭدى.  بىراق بۇل - ۋاقىتشا ماسەلە. مەملەكەتتىك قولداۋدى تسيفرلاندىرۋ ­ كۇردەلى ماسەلە بولعانىمەن قاجەتتى ۇدەرىس. ول ماڭىزدى ستاتيستيكانى جۇرگىزۋگە، سۋبسيديالاۋدىڭ تيىمدىلىگىن بولجاۋعا جانە تالداۋعا مۇمكىندىك بەرەدى، - دەيدى "اقپاراتتىق-ەسەپتەۋ ورتالىعى" اق باس مامانى ازامات قۇرمانوۆ.

ماماننىڭ ايتۋىنشا، ەندى اگرارلىق ۆەدومستۆو سۋبسيديالاۋ جونىندەگى دەرەكتەردى كومپانيالاردىڭ ەكونوميكالىق، قارجىلىق كورسەتكىشتەرىمەن سالىستىرا وتىرىپ جۇرگىزۋدى قولعا العان. سونىڭ ارقاسىندا ەندى كومپانيالاردىڭ سالىق، الەۋمەتتىك اۋدارىمداردى قالاي جۇرگىزىپ جاتقانى، كاسىپورىندارداعى جالاقى دەڭگەيى، ءوندىرىستىڭ ونىمدىلىگى - ءبارىن اۆتوماتتاندىرىلعان جۇيەمەن باعالاۋعا مۇمكىندىك تۋماق.  الايدا بۇل كورسەتكىشتەرگە اسەر ەتەتىن فاكتورلار وتە كوپ جانە ءتيىمدى قۇرال ازىرلەنۋ ءۇشىن ۋاقىت قاجەت كورىنەدى. دەگەنمەن دە ماماندار تالداۋدىڭ ناتيجەلەرى اشىق بولادى دەپ وتىر، ياعني ءتيىمدى ەلەكتروندىق جۇيە جەتىلىپ، جاقسى جولعا قويىلعان كەزدە مەملەكەت تە، قوعام دا سۋبسيديالاۋ قانشالىقتى ءوزىن-ءوزى اقتاعانىن، قانداي باعىتتاردا ءتيىمدى بولعانىن كورە الادى.

- وكىنىشكە قاراي، بارلىق سۋبسيديا قولداۋ ارقىلى بەرىلمەيدى، سوندىقتان مەملەكەتتىك بيۋدجەت شىعىندارىنىڭ كەيبىر كولەمى كوپشىلىك باقىلاۋىنان تىس قالىپ وتىر. مال شارۋاشىلىعى ءۇشىن سۋبسيديالاردىڭ ءبىر بولىگى ەت وداعىنىڭ باستاماسى بويىنشا باسقا جۇيەمەن تولەنەدى  جانە بۇل جۇرتشىلىققا جاريالى ەمەس، - دەيدى ا.قۇرمانوۆ.

قىمبات توقتامۇرات

سوڭعى جاڭالىقتار

ۇقساس جاڭالىقتار