ايماقتار • 01 ءساۋىر، 2020

پاۆلوداردا «ءبىز بىرگەمىز!» اكتسياسى اياسىندا 900-گە جۋىق وتباسىعا كومەك كورسەتىلدى

49 رەتكورسەتىلدى

كومەككە ءزارۋ جاندارعا ازىق-ت ۇلىك جانە بەتپەردەلەر جەتكىزۋ اكتسياسى ۋاقىتشا توقتاتىلدى، دەپ حابارلايدى pavlodarnews.kz ءتىلشىسى.

ەسكە سالايىق، ناۋرىز ايىنىڭ 20-سى كۇنى پاۆلوداردا «Nur Otan» پارتياسىنىڭ ء«بىز بىرگەمىز!» رەسپۋبليكالىق اكتسياسى باستاۋ العان بولاتىن. اكتسيا اياسىندا كوپبالالى جانە از قامتىلعان وتباسىلارعا، جالعىزباستى زەينەتكەرلەر مەن مۇگەدەكتەرگە ءبىرىنشى كەزەكتە قاجەتتى ازىق-ت ۇلىك ونىمدەرىن، بەتپەردەلەر مەن انتيسەپتيكالىق قۇرالدار جەتكىزۋدە.

- وسى ۋاقىت ارالىعىندا وڭىرىمىزدە 900-گە جۋىق وتباسىعا كومەك كورسەتىلدى، - دەدى «Jas Otan» وبلىستىق فيليالىنىڭ توراعاسى عابيت حافيز.

– «Nur Otan» مەن «Jas Otan» ەرىكتىلەرى قاجەتتى زاتتار سالىنعان جاشىكتى «ەسىكتەن-ەسىككە» قاعيداتى بويىنشا جەتكىزىپ بەرەدى. ياعني، ادامدارمەن بايلانىسقا تۇسپەيدى. كومەك رەتىندە بەرىلەتىن زاتتار دەمەۋشىلەر ەسەبىنەن الىنادى.

عابيت ءحافيزدىڭ ايتۋىنشا، كومەك بەرىلەتىن وتباسىلار «Nur Otan» قوعامدىق قابىلداۋىندا، الەۋمەتتىك جەلىلەردە تۇسكەن وتىنىشتەر بويىنشا جانە جۇمىسپەن قامتۋدى ۇيلەستىرۋ جانە الەۋمەتتىك باعدارلامالار مەكەمەلەرى ۇسىنعان ءتىزىم بويىنشا انىقتالادى.

- بۇگىن ىندەتكە قاتىستى ەلىمىزدەگى جاعدايدىڭ ۋشىعۋىنا بايلانىستى حالىق پەن ەرىكتىلەردىڭ دەنساۋلىعىنا قاۋىپ توندىرمەۋ ءۇشىن بۇل اكتسيا ۋاقىتشا توقتاتىلدى، - دەدى عابيت حافيز.

سوڭعى جاڭالىقتار

ۇقساس جاڭالىقتار