قازاقستان • 01 ءساۋىر، 2020

ۇكىمەت باسشىسىنا دەپۋتاتتىق ساۋال جولداندى

175 رەتكورسەتىلدى

بۇگىن پارلامەنت ءماجىلىسىنىڭ ەكونوميكالىق رەفورما جانە وڭىرلىك دامۋ كوميتەتىنىڭ توراعاسى نۇرتاي سابيليانوۆ «Egemen Qazaqstan» گازەتىنىڭ كەشەگى، ياعني 31 ناۋرىزداعى نومىرىندە جاريالانعان، جۋرناليست ازامات قاسىمنىڭ «قاشىقتان وقىتۋ قاشىقتاعى اۋىلدارعا قيىن ءتيىپ تۇر» ماقالاسى بويىنشا پرەمەر-مينيستر اسقار مامينگە دەپۋتاتتىق ساۋال جولدادى.

«قاشىقتىقتان ءبىلىم الۋ ءۇشىن وقۋشىلار تەلەكوممۋنيكاتسيالىق جەلىلەرگە شىعاتىن جابدىقتارمەن قامتاماسىز ەتىلۋى قاجەت (ينتەرنەت، سپۋتنيكتىك تەلەديدار). بىراق، ەلىمىزدىڭ 4000-عا جۋىق اۋىلدىق ەلدى مەكەنى جوعارعى جىلدامدىقتى ينتەرنەتپەن قامتاماسىز ەتىلمەگەن. «قازاقستان رەسپۋبليكاسىنىڭ اۋىلدىق ەلدى مەكەندەرىن تالشىقتى-وپتيكالىق بايلانىس جەلىلەرىنىڭ تەحنولوگياسى بويىنشا كەڭ جولاقتى قولجەتىمدىلىكپەن قامتاماسىز ەتۋ» جوباسى اياسىندا 1250 اۋىلدىق ەلدى مەكەندى ينتەرنەت بايلانىسىمەن قامتاماسىز ەتۋ ءالى اياقتالماعان. كەيبىر ايماقتاردا ينتەرنەت جىلدامدىعى تومەن جانە بۇل قاشىقتىقتان ءبىلىم الۋعا كەدەرگى تۋدىرىپ وتىر (ينتەرنەتكە قوسىلۋدىڭ ۇزاقتىعى، بايلانىستىڭ ءۇزىلۋى جانە ت.ب.). ونىڭ ۇستىنە، ۇلكەن جۇكتەمەگە بايلانىستى ەلىمىزدىڭ تەلەكوممۋنيكاتسيالىق جۇيەسىنىڭ جۇمىسىندا كىدىرىس پايدا بولۋى مۇمكىن. بۇدان بولەك بالالاردىڭ قاشىقتىقتان وقۋىن قامتاماسىز ەتۋ ءۇشىن كوپتەگەن وتباسىلارىندا كومپيۋتەر نەمەسە نوۋتبۋك جوق. ەكى جانە ودان دا كوپ بالالارى وقيتىن وتباسىلارىنا بىرنەشە كومپيۋتەرلەر نەمەسە نوۋتبۋكتەر قاجەت. الايدا، ولاردى بارلىق اتا-انالار ساتىپ الا المايدى. سونىمەن قاتار، تۇرعىنداردىڭ بارلىعى قاجەتتى تەلەارنالارعا قوسىلماعان جانە ولاردا بىرنەشە تەلەديدار جوق. سونداي-اق، كوپتەگەن وتباسىلارى بالالارىنىڭ قاشىقتىقتان ءبىلىم الۋى ءۇشىن جاعداي جاسالماعان جالدامالى پاتەرلەردە نەمەسە تۇرعىن الاڭى كىشكەنتاي تۇرعىن ۇيلەردە (پاتەرلەردە) تۇرىپ جاتىر. جوعارىدا باياندالعاننىڭ نەگىزىندە سىزدەن قاشىقتىقتان وقىتۋدى ۇيىمداستىرۋ جانە اۋىلدىق ەلدى مەكەندەردى جوعارعى جىلدامدىقتى ينتەرنەتپەن قامتاماسىز ەتۋ بويىنشا قاجەتتى شارالار قابىلداۋدى سۇرايمىن» دەلىنگەن دەپۋتاتتىق ساۋالدا.

سوڭعى جاڭالىقتار

ۇقساس جاڭالىقتار