«قۇرمەتتى دوستار, ەلىمىز ءۇشىن دە, بارلىق əلەم ءۇشىن دە قيىن كەزەڭدە امان قالۋ ءۇشىن بالالارىمىز ۇيدە وتىرۋعا ءمəجبۇر. وتباسى مۇشەلەرى ۋاقىتىن ءبىر شاڭىراق استىندا وتكىزۋدە. ءبىز وسى ءسəتتى پايدالانىپ, وقۋشىلار اراسىندا رەسپۋبليكالىق سۋرەت جəنە قولدان جاسالعان بۇيىمدار كونكۋرسىن وتكىزۋدى ءجون دەپ شەشتىك. كونكۋرس «تابيعات پەن ەكولوگيانى ساقتاۋ», «جانۋارلار دۇنيەسىن ساقتاۋ», «قوقىس سۇرىپتاۋ» نوميناتسيالارى بويىنشا وتپەك», - دەپ جازدى مينيستر.
Əر نوميناتسيا بويىنشا جۇلدەلى ءۇش ورىن تاعايىنداۋ جوسپارلانعان. كونكۋرس باستاۋىش, ورتاڭعى جəنە جوعارى سىنىپتار اراسىندا وتكىزىلەدى. مينيستر جەڭىمپازداردى سىيلىقپەن ماراپاتتاۋعا ۋəدە بەردى.
«سۋرەت جəنە قولدان جاسالعان بۇيىمداردان باسقا, قوقىستاردى بولەكتەپ جيناۋ تاقىرىبىندا بەينەروليك تۇسىرۋگە بولادى. ۇزدىك روليك يەلەرىنە دە باعالى سىيلىق بەرىلەدى», - دەپ اتاپ ءوتتى م.مىرزاعاليەۆ.
بارلىق جۇمىستاردى 2020 جىلعى 30 سəۋىرگە دەيىن تاƏ, قالا/اۋىل/ەلدى مەكەننىڭ, مەكتەپتىڭ اتىن, جاس مولشەرى مەن سىنىبىن كورسەتە وتىرىپ, #ەسوQuarantine حەشتەگىمەن əلەۋمەتتىك جەلىلەردە جاريالاۋ نەمەسە EcoQuarantine@gmail.com پوشتاسىنا جولداۋ قاجەت.
بۇدان باسقا, ەكولوگيا مينيسترلىگى باسشىسىنىڭ دەرەكتەرى بويىنشا, وقشاۋلانۋ ۇيعارىمى əرەكەت ەتەتىن مەزگىلدە ەكو-امباسسادورلار تابيعاتتى ساقتاۋ تاقىرىبىندا ونلاين ەكو-ساعاتتار وتكىزىپ, وقۋ-تانىمدىق ساباقتار جۇرگىزەدى.
«بۇل ونلاين ساباقتاردىڭ بارلىعىن ەكولوگيا مينيسترلىگىنىڭ سايتىنان جəنە əلەۋمەتتىك جەلىلەردەگى پاراقشالاردان كورە الاسىزدار. وسى مەزگىلدى بالالارمەن بىرگە ۇتىمدى وتكىزۋگە, ءوزىمىز ءۇشىن جاڭالىقتار اشىپ, قىزىقتى əسەرلەر الۋعا, تابيعاتتى ايالاپ, وعان زيان كەلتىرمەۋدى ۇيرەنۋگە شاقىرامىن. امان بولايىق, دوستار!», - دەيدى م.مىرزاعاليەۆ.
