ارينە, جىل وتكەن سايىن ەلىمىزدە حالىققا قىزمەت كورسەتۋ ساپاسى جاقسارىپ كەلەدى. ايتسە دە بۇل سالانىڭ ماسەلەسى تولىق شەشىلدى دەپ ايتۋعا بولمايدى. ادامداردى كەڭسەدەن كەڭسەگە ءجۇگىرتىپ, قاپتاعان قاعازباستىلىقتان, ساپىرىلىسقان كەزەكتەن ارىلماۋ, ەڭ باستىسى باسشىلاردىڭ الدىنا كەلگەن جاندارعا لايىقتى قىزمەت كورسەتپەۋى, ءمادەنيەتتىلىك تانىتپاۋى ءالى دە بولسا كوپ ەكەنىن جاسىرۋعا بولماس. مىنە, وسىنداي ولقىلىقتاردى بولدىرماۋ ماقساتىندا قر مەملەكەتتىك قىزمەت ىستەرى اگەنتتىگىنىڭ وڭتۇستىك قازاقستان وبلىسى بويىنشا دەپارتامەنتىنىڭ جانىنان جەكە تۇلعالارمەن, كوممەرتسيالىق ەمەس ۇيىمدارمەن مەملەكەتتىك قىزمەت كورسەتۋ ماسەلەلەرى بويىنشا ءوزارا ءىس-قيمىل جانە ىنتىماقتاستىق جونىندەگى قوعامدىق كەڭەس قۇرىلدى.
ارينە, جىل وتكەن سايىن ەلىمىزدە حالىققا قىزمەت كورسەتۋ ساپاسى جاقسارىپ كەلەدى. ايتسە دە بۇل سالانىڭ ماسەلەسى تولىق شەشىلدى دەپ ايتۋعا بولمايدى. ادامداردى كەڭسەدەن كەڭسەگە ءجۇگىرتىپ, قاپتاعان قاعازباستىلىقتان, ساپىرىلىسقان كەزەكتەن ارىلماۋ, ەڭ باستىسى باسشىلاردىڭ الدىنا كەلگەن جاندارعا لايىقتى قىزمەت كورسەتپەۋى, ءمادەنيەتتىلىك تانىتپاۋى ءالى دە بولسا كوپ ەكەنىن جاسىرۋعا بولماس. مىنە, وسىنداي ولقىلىقتاردى بولدىرماۋ ماقساتىندا قر مەملەكەتتىك قىزمەت ىستەرى اگەنتتىگىنىڭ وڭتۇستىك قازاقستان وبلىسى بويىنشا دەپارتامەنتىنىڭ جانىنان جەكە تۇلعالارمەن, كوممەرتسيالىق ەمەس ۇيىمدارمەن مەملەكەتتىك قىزمەت كورسەتۋ ماسەلەلەرى بويىنشا ءوزارا ءىس-قيمىل جانە ىنتىماقتاستىق جونىندەگى قوعامدىق كەڭەس قۇرىلدى.
وتكەن اپتادا قوعامدىق كەڭەس العاشقى جيىنىن وتكىزىپ, الداعى اتقارىلاتىن تىرلىكتەرىن پىسىقتاپ الدى. «حالىققا كورسەتىلەتىن قىزمەتتەردىڭ ساپاسىن جاقسارتۋ بۇل ەلباسىنىڭ ناقتى تاپسىرماسى. ءبىزدىڭ ەلىمىزدە مەملەكەتتىك قىزمەت كورسەتۋدىڭ كوپتەگەن تۇرلەرى بار. الايدا ءالى دە كەمشىن تۇستارى كوپ. ءتىپتى ازاماتتاردى قابىلداماي قوياتىن باسشىلار دا بارشىلىق. سوندىقتان ءبىز اشىق الاڭدا جۇمىس ىستەۋىمىز قاجەت. بيلىك پەن قاراپايىم تۇرعىننىڭ اراسىندا اشىق تا ءادىل بايلانىس بولۋى كەرەك» دەيدى قر مەملەكەتتىك قىزمەت ىستەرى اگەنتتىگىنىڭ وڭتۇستىك قازاقستان وبلىسى بويىنشا دەپارتامەنتىنىڭ باسشىسى بەرىك بەكجانوۆ.
قوعامدىق كەڭەس كونسۋلتاتيۆتىك-كەڭەسشى ورگان رەتىندە قر كونستيتۋتسياسىنىڭ, «مەملەكەتتىك كورسەتىلەتىن قىزمەتتەر تۋرالى» زاڭىن جانە باسقا دا نورماتيۆتىك قۇقىقتىق اكتىلەردى باسشىلىققا الادى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
