قاراعاندىنىڭ «شاحتەرىنە» جانكۇيەرلەرى ءدان ريزا
بۇرناعى كۇنى تۇندە شوتلانديانىڭ ورتالىعى گلازگو قالاسىندا جەرگىلىكتى «سەلتيك» پەن قاراعاندىنىڭ «شاحتەرى» اراسىندا چەمپيوندار ليگاسى ءتورتىنشى راۋندىنىڭ ەكىنشى قارىمتا ماتچى وينالدى. كەسكىلەسكەن كۇرەس ۇستىندە وتكەن بۇل ماتچتا الاڭ يەلەرى 3:0 ەسەبىمەن جەڭىسكە جەتىپ, ەكى ويىننىڭ قورىتىندىسى بويىنشا كەلەسى كەزەڭگە جولداما الدى. ال كەنشىلەر كومانداسى بۇل كەزدەسۋدە ۇتىلعانىنا قاراماستان, فۋتبول ماماندارى اراسىندا وتە جاقسى اسەر قالدىردى.
قاراعاندىنىڭ «شاحتەرىنە» جانكۇيەرلەرى ءدان ريزا
بۇرناعى كۇنى تۇندە شوتلانديانىڭ ورتالىعى گلازگو قالاسىندا جەرگىلىكتى «سەلتيك» پەن قاراعاندىنىڭ «شاحتەرى» اراسىندا چەمپيوندار ليگاسى ءتورتىنشى راۋندىنىڭ ەكىنشى قارىمتا ماتچى وينالدى. كەسكىلەسكەن كۇرەس ۇستىندە وتكەن بۇل ماتچتا الاڭ يەلەرى 3:0 ەسەبىمەن جەڭىسكە جەتىپ, ەكى ويىننىڭ قورىتىندىسى بويىنشا كەلەسى كەزەڭگە جولداما الدى. ال كەنشىلەر كومانداسى بۇل كەزدەسۋدە ۇتىلعانىنا قاراماستان, فۋتبول ماماندارى اراسىندا وتە جاقسى اسەر قالدىردى.
جوعارىداعى سوزدەرىمىزگە تاعى ءبىر دالەل ءۇشىن رەسەيدىڭ بەلگىلى سپورت كوممەنتاتورى ۆاسيلي ۋتكيننىڭ اتالمىش ويىن بىتەر-بىتپەستە ءوز تۆيتتەرىنە: «وسى جاقسى اسەرلەرى ءۇشىن, ەكى ويىنداعى كورسەتكەن راحاتى ءۇشىن قاراعاندىعا العىس بىلدىرەمىن!» – دەگەن جازۋ قالدىرعانىن مىسالعا كەلتىرسەك تە جەتەدى. مۇنىڭ سوڭىنان ول ەندى جورىق جولدارىن ەۋروپا ليگاسىندا جالعاستىراتىن «شاحتەردىڭ» قاراعاندىدا وتەتىن بارلىق ويىندارىنان رەپورتاج جۇرگىزەتىنىن دە ايتىپتى.
ال مۇنداي العىسقا تولى جىلى سوزدەردى مىڭداعان جانكۇيەر قاۋىم سول كۇنى تۇندە ءارتۇرلى الەۋمەتتىك جەلىلەر ارقىلى جاپپاي جاريالاپ جاتتى. ءيا, قاراعاندىلىقتاردىڭ ەكى ويىننىڭ قورىتىندىسىندا ۇتىلىسقا ۇشىراپ, كەلەسى كەزەڭگە شىعا الماي قالعانىنا قاراماستان, ناعىز جانكۇيەر جۇرتشىلىق كوماندانىڭ ويىنىنا ءوز ريزالىقتارىن بىلدىرۋدەن تانعان جوق. بۇعان, البەتتە, باس جاتتىقتىرۋشى ۆيكتور كۋمىكوۆتىڭ وسى شەشۋشى ماتچ الدىندا ايتقان قولدان كەلگەننىڭ ءبارىن جاساۋ جونىندەگى ۋادەسى ۇدەسىنەن تابىلعانى بىردەن-ءبىر سەبەپ بولدى. راسىندا دا كوماندا قولدان كەلگەننىڭ ءبارىن جاسادى. ول ازۋى التى قارىس ايتۋلى قارسىلاسىنىڭ الدىندا تىزەسىن دىرىلدەتىپ, قالتىراعان كۇيگە تۇسپەدى. كەنشىلەر بۇكىل ويىن بارىسىندا وزىنە ءتان جۇيەلى دە ءتيىمدى ويىندى كورسەتۋگە كۇش سالدى. كەزى كەلگەندە, قاۋىرت شابۋىلعا شىعىپ, قارسى قاقپا الدىندا قاۋىپ تە توندىرە ءبىلدى. ەڭ ءبىر ءتاۋىرى, كوماندا ويىنشىلارى قانداي ءبىر سىن ساتتەرىندە, قيىن كەزەڭدەردە دوپتى قاقپا الدىنان الىسقا ۇزاتىپ سالۋ ءۇشىن وڭدى-سولدى تەپكىلەۋ دەڭگەيىنە تۇسە قويمادى. ال مۇنداي ءۇردىس ءبىزدىڭ قۇرامادان باستاپ, بارلىق جاساقتار ءۇشىن بۇرىننان جازىلماي ساقتالعان قاعيدات سەكىلدى ەدى. مىنە, وسىنداي ويىندارى ارقىلى «شاحتەر» ءوزىنىڭ شىنىندا دا ەۋروپالىق دەڭگەي دارگەيىنە جەتىپ قالعانىن تانىتتى.
ەندى ويىنعا كەلەيىك. ءوزىمىز كۇتكەندەي, «سەلتيك» كەزدەسۋدىڭ ءبىرىنشى مينۋتىنان شابۋىلعا باستى. ءبىز وسى العاشقى اپتىققان جويقىن جورىقتاردان امان شىقسا, بۇدان ءارى جەرلەستەرىمىز بوي بەرە قويماس دەگەن ۇمىتتە بولعانبىز. وسى ساتتەردە قاقپاشى الەكساندر موكين وتە تاماشا ونەر كورسەتتى. ونىڭ ءارتۇرلى سەيۆتەرى ارقىلى قاقپا تۋرالاي كەلگەن سان دوپتان امان قالدى. گولكيپەردىڭ وسى سەنىمدى ويىنى سوسىن الاڭداعى ويىنشىلارعا اۋىستى. سونىڭ ناتيجەسىندە ولار تايمنىڭ ورتاسىنا قاراي ويىندى تەڭەستىردى. وكىنىشتىسى, بىزگە گول دا تاپ وسى الاڭدا تەڭ ويىن ءجۇرىپ جاتقان كەزدە سوعىلدى. ول تايمعا قوسىلعان قوسىمشا ۋاقىتتا كريس كوممانستىڭ اياعىنان كەلىپ كىردى. شاماسى, وسى ساتسىزدىك اسەر ەتسە كەرەك, كەلەسى تايمنىڭ باسىندا دا ءبىزدىڭ جىگىتتەر كۇتپەگەن جەردەن ورالىمسىزدىق كورسەتىپ الدى. مۇنى قاراعاندىدا تۇك بىتىرە الماي قايتقان گيورگيوس ساماراس قاقپاشىمەن بەتپە-بەت كەلىپ, جاقسى پايدالانىپ كەتتى. وسىمەن ەكى ويىننىڭ ناتيجەسى تەڭەستى.
بۇل ءبىزدىڭ جىگىتتەردى جاسىتقان جوق, قايتا قايراتىنا مىنگىزگەندەي كورىندى. بۇل ساتتە قاراعاندىلىقتاردىڭ جانتالاسا العا ۇمتىلۋى قارسى جاقتىڭ ەپتەپ ۇرەيىن تۋعىزدى. سوندىقتان شوتلاندتار ويىندى الاڭ ورتاسىنان ءارى قاراي وربىتپەۋگە بارىن سالدى. ويىن, اسىرەسە, تايمنىڭ ورتاسىندا ءوزىنىڭ ناعىز شارىقتاۋ شەگىنە جەتتى. سول ارالىقتا ەكى قاقپاعا دا ەكى رەتتەن قاۋىپ ءتونىپ ۇلگەردى. بۇدان ءارى الاڭ يەلەرىنىڭ قاۋىپتى ساتتەرى كوبىرەك بولعانىنا قاراماستان, ويىن الما-كەزەك شابۋىل سيپاتىندا ءوتىپ جاتتى.
بىزگە وسى ساتتە ماسەلەنى شەشۋ وۆەرتايمعا قالاتىنداي بولىپ كورىنگەن. شاماسى, جىگىتتەر دە سولاي ويلاپ, ازداپ بوساڭسىپ قالسا كەرەك, ماتچتىڭ بىتۋىنە ءبىر مينۋتتاي قالعاندا, كۇتپەگەن ج
