دەزينفەكتسيالىق قۇرالدارمەن جۇمىس ىستەۋگە 18 جاستان اسقان ازاماتتار جىبەرىلەدى. تەحنيكالىق قۇرالدارمەن جۇمىس ىستەگەندە جانە دەزينفەكتسيالىق ەرىتىندىنى دايىنداۋ كەزىندە جەكە باس قورعانىشىن ساقتاۋ ءۇشىن مىندەتتى تۇردە ارنايى قورعانىس كيىمىن قولدانۋ قاجەت. «دەزينفەكتسيالىق ءىس-شارالاردى جۇرگىزۋ الدىندا مىندەتتى تۇردە كورشىلەرگە ەسكەرتۋ جاسالىپ, ۇيدە ناۋقاس نەمەسە مۇگەدەك ادامدار بولماعان جاعدايدا جۇرگىزەدى. سونىمەن قاتار, ءۇي ەگەلەرىنە زالالسىزداندىرۋ جۇمىستارىنان كەيىن بەلگىلى ءبىر ۋاقىتتا بولمەلەرگە ىلعالدى تازالاۋ جۇمىستارىن جۇرگىزۋ, پرەپاراتتىڭ جاعىمسىز ءيسى كەتكەنشە جەلدەتىپ كىرۋ قاجەتتىگى ەسكەرتىلەدى» دەدى ورتالىق وكىلى ينديرا اۋباكىروۆا. دەزينفەكتسيالىق جۇمىس بارىسىندا تەمەكى شەگۋگە, تاماق ىشۋگە, دەزينفەكتسيالىق زاتتارمەن بىرگە تاماق ونىمدەرىن ساقتاۋعا, تاسىمالداۋعا قاتاڭ تىيىم سالىنادى. جازاتايىم وقيعالاردى بولدىرماۋ ءۇشىن دەزينفەكتسيالىق قۇرالداردى ادىستەمەلىك نۇسقاماسىنا ساي قولدانۋ قاجەت جانە قاراۋسىز قالدىرۋعا نەمەسە بىرەۋگە بەرۋگە بولمايدى. جۇمىس ورىندارىندا قولدانىلعان قۇرال-جابدىقتار دا قاراۋسىز قالماۋى ءتيىس. سونداي-اق ونلاين تانىستىرۋدا ماماندار ابايسىزدا ۋلانعان جاعدايدا قولدانىلاتىن شارالار جونىندە تولىققاندى تۇسىنىكتەمە بەردى.
تۇركىستان وبلىسى
