قارۋىن كەزەنىپ, ءتاستۇيىن دايىن وتىرعان اقش سيريا ۇكىمەتىاسكەرلەرىنە سوققى بەرۋگە بايلانىستى ازىرگە ناقتى شەشىم قابىلداعان جوق. بۇل تۋرالى «ريا نوۆوستي» اقپاراتتىق اگەنتتىگى حابارلادى.
ارنايى ۇيىمداستىرىلعان بريفينگتە اق ءۇيدىڭ رەسمي وكىلى دجەي كارني سيريا ۇكىمەتىنىڭ حيميالىق قارۋ قولدانعانى جاۋاپسىز قالماۋى ءتيىس دەپ ەسكەرتتى. ول بريفينگتە سيريا ۇكىمەتىنىڭ حيميالىق قارۋ قولدانعانىن راستايتىن كوپتەگەن دەرەكتەر, تاۋەلسىز ۇيىمداردىڭ وكىلدەرى, جۋرناليستەر, دارىگەرلەر سىندى كۋالار بار ەكەنىن جەتكىزدى.
ال ۇلىبريتانيا, تۇركيا مەملەكەتتەرىنىڭ سىرتقى ىستەر مينيسترلەرى سيريا ۇكىمەتىنە قارسى كواليتسيالىق كۇشكە قوسىلاتىنىن مالىمدەدى. كرەمل بولسا, سيرياعا اسكەر كىرگىزۋدى, ماسەلەنى وسىلايشا كۇشپەن شەشۋدى قاۋىپتى دەپ سانايتىنىن, ونىڭ سالدارلارى وتە اۋىر بولاتىنىن ەسكەرتۋدە.
جولدىباي بازاروۆ.
