كەشە پرەمەر-مينيستر سەرىك احمەتوۆتىڭ توراعالىعىمەن وتكەن ۇكىمەت وتىرىسىندا الداعى 3 جىلعا ارنالعان رەسپۋبليكالىق بيۋدجەت جوباسى مەن ەلىمىزدىڭ الەۋمەتتىك-ەكونوميكالىق دامۋىنىڭ بولجامى تالقىلاندى.
كەشە پرەمەر-مينيستر سەرىك احمەتوۆتىڭ توراعالىعىمەن وتكەن ۇكىمەت وتىرىسىندا الداعى 3 جىلعا ارنالعان رەسپۋبليكالىق بيۋدجەت جوباسى مەن ەلىمىزدىڭ الەۋمەتتىك-ەكونوميكالىق دامۋىنىڭ بولجامى تالقىلاندى.
الداعى 3 جىلعا ارنالعان رەسپۋبليكالىق بيۋدجەت جوباسى مەملەكەت باسشىسى تاراپىنان قولداۋ تاپقانىن ەسكە سالعان ۇكىمەت باسشىسى س.احمەتوۆ جيىن باسىندا ەلباسىنىڭ تاپسىرماسىنا ساي بيۋدجەتتىڭ يگەرىلۋىن جاۋاپكەرشىلىكپەن باقىلاۋ قاجەتتىگىن اتاپ ءوتتى.
بيۋدجەت جوباسى بويىنشا ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ باياندادى. ول بولجامدى پارامەترلەردىڭ «ستراتەگيا-2020» دامۋ باعدارلاماسىن جانە مەملەكەت باسشىسىنىڭ «قازاقستان-2050» ستراتەگياسىندا بەلگىلەنگەن ءمىندەتتەردى ورىنداۋعا باعىتتالعانىن اتاپ ءوتتى.
مينيستر كەلتىرگەن دايەكتەرگە سۇيەنسەك, 2014-2018 جىلدارداعى ەكونوميكانىڭ ناقتى ءوسىمى 6,0-7,1 پايىز دەڭگەيىنە جەتەدى دەپ بولجانۋدا. ورتا مەرزىمدى كەزەڭدە ەكونوميكا ءوسىمى يندۋستريالىق-يننوۆاتسيالىق جانە ينفراقۇرىلىمدىق جوبالارعا سالىناتىن ينۆەستيتسيا كولەمىنىڭ ارتۋى ەسەبىنەن, قاشاعان كەن ورنىندا مۇناي يگەرۋدىڭ باستالۋى مەن حالىق تۇتىنىسىنىڭ وسۋىمەن قامتاماسىز ەتىلەدى. اتالعان كەزەڭدە ىشكى سۇرانىس ورتاشا 7,5 پايىز قارقىنمەن وسەتىن بولادى.
«نومينالدىق ءىجو 2014 جىلى 38,6 ترلن.-نان 2018 جىلى 65,9 ترلن. تەڭگەگە دەيىن وسەدى دەپ بولجانۋدا. ءىجو جان باسىنا شاققاندا 2014 جىلى 14,6 مىڭ اقش دوللارىن قۇرايدى, ال 2018 جىلعا قاراي 24 مىڭ اقش دوللارىنا دەيىن وسەدى, جىلدىق ينفلياتسيا دەڭگەيى 2014-2018 جىلدارى 6,0-8,0 پايىز شەگىندە بولادى, دەدى ە.دوساەۆ.
ورتا مەرزىمدى كەزەڭدەگى الەۋمەتتىك-ەكونوميكالىق باسىمدىقتاردىڭ قاتارىندا, مينيستر, ماكروەكونوميكالىق ءجانە قارجىلىق تۇراقتىلىقتى, ەكونوميكانىڭ تيىمدىلىگى مەن باسەكەلەستىككە قابىلەتتىلىگىن ارتتىرۋدى, الەۋمەتتىك جاڭعىرۋدى, وڭىرلىك دامۋدى, ءتيىمدى مەملەكەتتىك باسقارۋ جۇيەسىن قالىپتاستىرۋدى, حالىقارالىق ينتەگراتسيا مەن ءوزارا ءىس-قيمىلدى دامىتۋدى اتادى.
ە.دوساەۆ, سونداي-اق 2014-2016 جىلدارعا ارنالعان رەسپۋبليكالىق بيۋدجەتتىڭ ماكروەكونوميكالىق بولجامى نەگىزىندە جاسالعان بيۋدجەتتىك بلوكتىڭ ءبىرقاتار قۇجاتتارىن تانىستىردى. «2014-2016 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىندا ءۇيدب, «بيزنەستىڭ جول كارتاسى-2020», «جۇمىسپەن قامتۋدىڭ جول كارتاسى-2020», «اگروبيزنەس-2020» باعدارلامالارىن ودان ءارى دامىتۋ قاراستىرىلعان.
الەۋمەتتىك تۇراقتىلىقتى قامتاماسىز ەتۋ ماقساتىندا مەملەكەت قابىلداعان بارلىق الەۋمەتتىك مىندەتتەمەلەر قارجىلاي قامتاماسىز ەتىلىپ جانە دەنساۋلىق ساقتاۋ مەن ءبىلىم بەرۋ سالالارىن قارجىلاندىرۋدىڭ اشىق نۇسقاسىنا كوشۋ جالعاسا بەرەدى.
مينيستر سونىمەن قاتار, «ۇلتتىق قوردىڭ 2014-2016 جىلدارعا ارنالعان كەپىلدى ترانسفەرتتەرى تۋرالى», «2014-2016 جىلدارعا ارنالعان رەسپۋبليكالىق ءجانە وبلىستىق بيۋدجەتتەر اراسىنداعى, رەسپۋبليكالىق ماڭىزداعى قالالار, مەملەكەت استاناسى اراسىنداعى جالپى ترانسفەرتتەردىڭ كولەمى تۋرالى», «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيۋدجەتتىك زاڭدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى», «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» بىرقاتار بيۋدجەتتىك زاڭ جوبالارىنىڭ جايى تۋرالى حابارلادى. بيۋدجەتتىك بلوك قۇجاتتارىنىڭ قاتارىندا مينيستر پرەزيدەنتتىڭ «ۇلتتىق قوردىڭ 2014 جىلعا ارنالعان ماقساتتى ترانسفەرتى تۋرالى» جارلىعىنىڭ جوباسىن اتادى.
ە.دوساەۆتىڭ ايتۋىنشا, بيۋدجەتتىك قارجى تولىق يگەرىلگەن جاعدايدا بيۋدجەتتىك باعدارلامالاردىڭ ءتيىستى ناتيجەلەرگە قول جەتكىزە الماۋىنا بيۋدجەتتىك باعدارلامالار اكىمشىلەرىنىڭ ءبىرىنشى باسشىسىنىڭ جاۋاپكەرشىلىگى ماسەلەسىن ەنگىزۋ ۇسىنىلعان.
سونداي-اق جەرگىلىكتى بيۋدجەتتەن ەڭ تومەنگى كولەمنەن از قارجى بولىنگەن جاعدايدا, زاڭمەن بەلگىلەنگەن جالپى سيپاتتاعى ترانسفەرتتەر, سونداي-اق جەتە قارجىلاندىرماۋ سوماسىنىڭ جوعارى تۇرعان بيۋدجەتكە مىندەتتى قايتارىلماۋى جاعدايىندا اكىمدەردىڭ جاۋاپكەرشىلىكتەرى بەلگىلەنۋدە.
مينيستر اتاپ وتكەندەي, «مەملەكەتتىك ورگانداردىڭ ستراتەگيالىق جوسپارلارىنىڭ ءرولىن ارتتىرۋ ءۇشىن پارلامەنتتە رەسپۋبليكالىق بيۋدجەت تۋرالى زاڭ جوباسى قارالعان كەزدە جوبالاردىڭ ءبىرىنشى باسشىسىنىڭ ستراتەگيالىق جوسپارلاردى قورعاۋى ماسەلەسى قاراستىرىلۋدا».
تالقىلاۋ ناتيجەسىن
