«ىندەتتى الدىن الۋعا باعىتتالعان بىرقاتار ءىس-شارالارعا 2 مىڭنان استام ەرىكتىلەر جۇمىلدىرىلۋدا. ولاردىڭ كومەگىمەن 240 قۇقىق بۇزۋشىلىق انىقتالدى. كوروناۆيرۋس ينفەكتسياسىنىڭ وشاقتارىن وقشاۋلاۋ ءۇشىن كارانتيندىك ايماقتاردا ارنايى شارالار قابىلدانىپ جاتىر. قازىرگى ۋاقىتتا 31 نىسان قورشاۋعا الىنعان. ولاردىڭ اراسىندا تۇرعىن ۇيلەر, جەكە كىرەبەرىستەر, جاتاقحانالار بار» دەدى ول.
مينيستر قازىر ازاماتتاردىڭ دەنساۋلىعى مەن ءومىرىن قورعاۋ ءۇشىن الدىڭعى شەپتە جۇرگەن – دارىگەرلەر, پوليتسەيلەر جانە اسكەريلەر ەكەنىن ايتتى.
«شەكتەۋ مەن كارانتين جاريالاۋ - ۆيرۋستىڭ جاپپاي تارالماۋى ءۇشىن جاسالعان قادام. قازىر ازاماتتاردىڭ دەنساۋلىعى مەن ءومىرىن قورعاۋ ءۇشىن الدىڭعى شەپتە جۇرگەن – دارىگەرلەر, پوليتسەيلەر جانە اسكەريلەر. ءبارىمىز ءبىر-ءبىرىمىزدى قولداپ, الەمگە تونگەن قاۋىپپەن بىرگە كۇرەسۋىمىز قاجەت» دەدى ە.تۇرعىمباەۆ.
