كەشە استاناداعى سىرتقى ىستەر مينيسترلىگىنىڭ عيماراتىندا يادرولىق سىناقتارعا قارسى حالىقارالىق ءىس-قيمىل كۇنىنە ورايلاستىرىلعان پوشتالىق ماركانىڭ تۇساۋكەسەرى بولىپ ءوتتى. وعان قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ پەن «قازپوشتا» اق باسقارما توراعاسى اركەن ارىستانوۆ قاتىستى.
كەشە استاناداعى سىرتقى ىستەر مينيسترلىگىنىڭ عيماراتىندا يادرولىق سىناقتارعا قارسى حالىقارالىق ءىس-قيمىل كۇنىنە ورايلاستىرىلعان پوشتالىق ماركانىڭ تۇساۋكەسەرى بولىپ ءوتتى. وعان قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ پەن «قازپوشتا» اق باسقارما توراعاسى اركەن ارىستانوۆ قاتىستى.
ە.ىدىرىسوۆ ءوز سوزىندە «تاۋەلسىزدىگىمىزدىڭ العاشقى كۇندەرىنەن باستاپ قازاقستان پرەزيدەنتى نۇرسۇلتان نازارباەۆ ءۇشىن عالامدىق قاۋىپسىزدىكتى قامتاماسىز ەتۋ ماسەلەسى ءبىرىنشى كەزەكتى باسىمدىققا يە بولدى جانە ءبىزدىڭ ەلىمىز الەمدەگى ءتورتىنشى يادرولىق الەۋەتتەن ءوز ەركىمەن باس تارتىپ, سول كەزدەن باستاپ «بەيبىتشىلىك ەپيتسەنترىنە» اينالدى», دەپ اتاپ ءوتتى.
سەمەي پوليگونىنىڭ جابىلۋىمەن يادرولىق تاراتپاۋ مەن قارۋسىزدانۋ عالامدىق ءۇردىسىنىڭ جاڭا كەزەڭى باستاۋ الدى, ونىڭ اياسىندا نەۆاداداعى, جاڭا جەر, لوب-نور جانە مۋرۋروا سەكىلدى الەمنىڭ ءىرى سىناق الاڭدارىندا دا جۇمىستار توقتاتىلدى.
«29 تامىز – بۇل يادرولىق اپوكاليپسيس قاۋپىن الشاقتاتقان بەلەس بولىپ تابىلادى. جىلدار مەن ونجىلدىقتار وتۋىمەن الەمدىك قاۋىمداستىقتىڭ وسى كۇننىڭ ەرەكشە ماڭىزدىلىعىن ءتۇسىنۋى تەك ارتا بەرەدى دەگەن سەنىمدەمىز», دەدى ءوز سوزىندە ە.ىدىرىسوۆ.
1949 جىل مەن 1989 جىل ارالىعىندا كەڭەس وداعى سەمەي پوليگونىندا 456 اتموسفەرالىق, جەرۇستى جانە جەراستى سىناقتارىن جۇرگىزگەنى بارشاعا ايان. جالپى العاندا, 600-دەن استام يادرولىق زارياد دەتوناتسيالانعان, بۇل يادرولىق قارۋ پايدا بولعاننان باستاپ جەر بەتىندە وتكىزىلگەن سىناقتاردىڭ تورتتەن ءبىر بولىگىن قۇرايدى.
«ەگەمەن-اقپارات».
