بۇل تۋرالى اقپاراتتىق-كوممۋنيكاتسيالىق ورتالىقتا وتكەن بريفينگتە شىمكەنت قالاسى توتەنشە جاعداي شتابىنىڭ وكىلى قانات جۇنىسبەكوۆ مالىمدەدى.
بۇل بەتپەردەلەردىڭ بارلىعى شىمكەنت قالاسىنداعى جەرگىلىكتى كاسىپورىنداردا تىگىلگەن. مۇنان بولەك قالا اۋماعىنداعى دارىحانالارعا جەرگىلىكتى جەردە وندىرىلگەن 185 مىڭ دانا بەتپەردە ءتۇستى. ءتيىستى ورگاندار بەتپەردە باعاسىنىڭ نەگىزسىز قىمباتتاماۋىن قاداعالاپ وتىر.
بەتپەردەمەن قامتاماسىز ەتۋ ءۇشىن جەرگىلىكتى كاسىپكەرلەرمەن بىرگە كۇنىنە 100 مىڭنان استام مەديتسينالىق بەتپەردەلەر تىگىلىپ, قالا اۋماعىنداعى ءدارىحانالار مەن بازارلارعا جەتكىزىلۋدە.
بەتپەردەلەر شىعاراتىن كاسىپورىندار («گاۋحار», «Azala تextile», «اگف گرۋپپ» جشس-ءى, «ALATEX» جەڭىل ونەركاسىپ ورىندارى)قۋاتتىلىعىن جانە انتيسەپتيكتەر مەن باسقا دا ديزينفەكتسيالىقزاتتار شىعاراتىن ونىمدەرىنىڭ كولەمىن ارتتىرۋ شارالارى قابىلداندى. بۇگىنگى تاڭدا بەتپەردەلەردىڭ باعاسى 150-200 تەڭگە كولەمىندە ساتىلۋدا. بۇل باعا بەتپەردەگە كەتەتىن ماتەريالدار مەن باسقا دا شىعىنداردى ەسەپتەگەندە شىعاتىن قۇنى.
قالاداعى «Mega Pharma» جشس 20 000 مىڭعا جۋىق بەتپەردە مەن بالالارعا ارنالعان 600 اسكوربيندى قىشقىل دارۋمەنىن تاراتتى. بەتپەردەلەر شاھاردا ادام كوپ شوعىرلانعان ورىنداردا, اتاپ ايتقاندا, اربات دەمالىس ورنى, «جاڭا شاھار» بازارى, «سەۆەر» ساۋدا ءۇيى, قايناربۇلاق جانە سايرام ەلدىمەكەندەرىندە تاراتىلدى.
