القاپتارعا 750,4 مىڭ گەكتارعا ءداندى داقىلدار, 240,8 مىڭ گەكتارعا مايلى داقىلدار, 19,3 مىڭ گەكتارعا كارتوپ, 7,2 مىڭ گەكتارعا كوكونىس, 2,5 مىڭ گەكتارعا باقشا داقىلدارى سەبىلەدى.
سونداي-اق, 15,4 مىڭ گەكتارعا زىعىر, 5,6 مىڭ گەكتارعا راپس, 7,7 مىڭ گەكتارعا جاسىمىق تۇقىمى سەبىلمەك. 460 مىڭ گەكتاردان مال ازىعى ازىرلەنەدى.
ءساۋىر ايىنىڭ 10-نان كەيىن شارۋالار ىلعال جابۋ, جەر جىرتۋ جۇمىستارىن باستايدى.
ال, ءداندى داقىلداردى ەگۋ جۇمىستارى مامىردىڭ 15-نەن كەيىن جۇرگىزىلەدى. شارۋاشىلىقتاردا 134,4 مىڭ توننا جازدىق ەگىس تۇقىمدارى ساقتاۋلى.
جوسپار بويىنشا كوكتەمگى ەگىستىككە 182 ەگىس كەشەنى, تراكتورلار, تۇقىم سەپكىشتەر جانە باسقا دا اۋىل شارۋاشىلىعى قۇرالدارى شىعادى.
كوكتەمگى ەگىس جۇمىستارىن جۇرگىزۋ ءۇشىن ديقاندارعا بيىل 19,1 مىڭ توننا ارزانداتىلعان جانار-جاعارماي بولىنگەن. ءار تونناسى 184 مىڭ تەڭگەگە باعالانۋدا
وبلىستاعى ەليتالىق تۇقىم شارۋاشىلىقتارى ساتۋ ماقساتىندا 18,2 مىڭ توننا جوعارى رەپرودۋكتسيالى تۇقىم دايىنداعان.
قازىر ديقانداردان 5,7 مىڭ توننا كولەمىندە تۇقىم ساتىپ الۋعا وتىنىشتەر تۇسۋدە.
بيىل وبلىس بويىنشا وسىمدىك شارۋاشىلىعىن قولداۋعا 3,1 ملرد. تەڭگە سۋبسيديا بولىنگەن.
ال, «اگرارلىق نەسيە كورپوراتسياسى» اق ارقىلى «اگروبيزنەس» جانە «كەڭ دالا» باعدارلامالارى شەڭبەرىندە كوكتەمگى ەگىس جۇمىستارىن جۇرگىزۋ ءۇشىن 3 ملرد. تەڭگەگە 100-دەن اسا جەڭىلدەتىلگەن نەسيە بەرۋ جوسپارلانعان.
پاۆلودار وبلىسى
