كەشە ورتالىق سايلاۋ كوميسسياسىنىڭ مەملەكەت باسشىسىنىڭ جارلىعىمەن تاعايىندالعان پارلامەنت سەناتىنىڭ دەپۋتاتتارىن تىركەۋ تۋرالى قاۋلى قابىلداعان وتىرىسى ءوتتى. سونداي-اق وسك ءۇش اكىمشىلىك-اۋماقتىق قۇرىلىمىندا وتكەن اۋىل اكىمدەرىن قايتا سايلاۋدىڭ باستاپقى قورىتىندىلارىن جاريالادى.
كەشە ورتالىق سايلاۋ كوميسسياسىنىڭ مەملەكەت باسشىسىنىڭ جارلىعىمەن تاعايىندالعان پارلامەنت سەناتىنىڭ دەپۋتاتتارىن تىركەۋ تۋرالى قاۋلى قابىلداعان وتىرىسى ءوتتى. سونداي-اق وسك ءۇش اكىمشىلىك-اۋماقتىق قۇرىلىمىندا وتكەن اۋىل اكىمدەرىن قايتا سايلاۋدىڭ باستاپقى قورىتىندىلارىن جاريالادى.
ورتالىق سايلاۋ كوميسسياسى «قازاقستان رەسپۋبليكاسىنىڭ پارلامەنتi جانە ونىڭ دەپۋتاتتارىنىڭ مارتەبەسi تۋرالى» كونستيتۋتسيالىق زاڭىنىڭ 24-بابى 1-تارماعىنا سايكەس ءجانە «قازاقستان رەسپۋبليكاسى پارلامەنتىنىڭ سەناتى دەپۋتاتتارىن تاعايىنداۋ تۋرالى» پرەزيدەنتتىڭ 2013 جىلعى 26 تامىزداعى №622 جارلىعى نەگىزىندە تاعايىندالعان بىرعانىم سارىقىزى ءايتىموۆانى, اسقار اسان ۇلى بەيسەنباەۆتى, سەرگەي نيكولاەۆيچ گروموۆتى, ءلاززات كەتەباي ۇلى قيىنوۆتى, گەورگي ۆلاديميروۆيچ كيمدى, دۋلات راشيت ۇلى قۇسداۋلەتوۆتى, سەرىك ءنوگەربەك ۇلى نوگەربەكوۆتى جانە نۇرلان مىرقاسىم ۇلى ءورازاليندى سەنات دەپۋتاتتارى رەتىندە بەكىتتى. ورتسايلاۋكوم توراعاسى قۋاندىق تۇرعانقۇلوۆ قازاقستان رەسپۋبليكاسى پارلامەنتى سەناتىنىڭ جاڭادان تىركەلگەن دەپۋتاتتارىنا جەكە كۋالىكتەرى مەن بەلگىلەنگەن ۇلگىدەگى ومىراۋ بەلگىلەرىن تاپسىردى.
سونداي-اق, ورتالىق سايلاۋ كوميسسياسى باسشىسى ءتيىستى اۋداندىق اۋماقتىق سايلاۋ كوميسسيالارىنىڭ شەشىمدەرىنە سايكەس 28 تامىزدا پاۆلودار وبلىسىنىڭ ەكى اۋىلدىق وكرۋگىندە جانە ماڭعىستاۋ وبلىسىنىڭ ءبىر اۋىلدىق وكرۋگىندە اكىمدەردى قايتا سايلاۋ وتكەنى جايىنان حاباردار ەتە كەتتى. اۋداندىق سايلاۋ كوميسسيالارىنىڭ الدىن الا بەرگەن مالىمەتتەرىنەن قايتا سايلاۋعا تاڭداۋشىلار تولىق قۇرامدا قاتىسقانى بەلگىلى بولىپ وتىر. سونىڭ بارىسىندا اكىمدىككە كانديداتتاردىڭ 4 سەنىم ءبىلدىرىلگەن ادامى مەن بۇقارالىق اقپارات قۇرالدارىنىڭ 2 وكىلى داۋىس بەرۋ بارىسىن بايقاۋدى ءجۇزەگە اسىرىپتى. داۋىس ساناعى ءناتيجەسىندە پاۆلودار وبلىسى ەرتىس اۋدانىنىڭ گولۋبوۆكا اۋىلى اكىمى بولىپ 1957 جىلى تۋعان, وسى اۋىلدا اكىم قىزمەتىن اتقارعان سەرىك ەركەن ۇلى نۇركين جەڭىسكە جەتكەن. ونىڭ كانديداتۋراسىنا دەپۋتاتتاردىڭ بارلىعى دا ءوز داۋىستارىن بەرىپتى. بۇل اۋداندا 12 تاڭداۋشى بار ەكەندىگىن دە ايتا كەتكەن ءجون. پاۆلودار وبلىسى ۋسپەن اۋدانىنىڭ قوزىكەتكەن اۋىلدىق وكرۋگىنىڭ اكىمى بولىپ 1988 جىلى تۋعان, بۇعان دەيىن «ۋسپەن اۋدانىنىڭ كاسىپكەرلىك جانە اۋىل شارۋاشىلىعى ءبولىمى» مم-ءنىڭ باس مامانى قىزمەتىن اتقارعان تيمۋر سەرىك ۇلى جانعازينوۆ سايلانىپتى. اتالعان ۇمىتكەرگە 10 (90,9%) تاڭداۋشى ءوز داۋىسىن بەرگەنى ءمالىم بولىپ وتىر. ال ماڭعىستاۋ وبلىسى ماڭعىستاۋ اۋدانىنىڭ تۇششىقۇدىق اۋىلدىق وكرۋگىنىڭ اكىمى بولىپ 1985 جىلى تۋعان, بۇعان دەيىن جەر قاتىناستارى مەن كاداستر ءبولىمىنىڭ باس مامانى قىزمەتىن اتقارعان ازامات قومشاباي ۇلى قويسارين سايلانىپتى. وعان 12 (100%) تاڭداۋشى داۋىس بەرگەنى انىقتالىپ وتىر.
وسك مالىمەتتەرىنە قاراعاندا, ەلىمىزدىڭ اۋداندىق ماڭىزى بار قالالارىنىڭ, اۋىلدىق وكرۋگتەرىنىڭ, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارىنىڭ 2457 اكىمىن سايلاۋعا جۇمسالعان جالپى شىعىستار شامامەن 370 ميلليون تەڭگەنى قۇراپتى.
اسقار تۇراپباي ۇلى,
«ەگەمەن قازاقستان».
