«سەلتيك» - «شاحتەر» 3:0 ء(بىرىنشى ماتچ - 0:2)
«سەلتيك»: فورستەر, مەتتيۋ3, لۋستيگ, ەمبروۋز, مالگريۋ, فوررەست (ۆان دەيك, 90 4), براۋن, لەدلي, كوممونس (بۋرريگتەر, 79), ساماراس, ستوۋكس.
«شاحتەر»: موكين, سيمچەۆيچ, مالىي, دجيدجيچ, پورىۆاەۆ, كانياس, ۆيچيۋس, ۆاسيلەۆيچ, فينونچەنكو (زەنكوۆيچ, 83), كازاريان, حيجنيچەنكو.
گولدار: كوممونس (45), ساماراس (48), فوررەست (90+2).
قازىر عانا شوتلانديانىڭ گلازگو قالاسىنداعى «پارك سەلتيك» ستانديونىندا جەرگىلىكتى «سەلتيك» پەن قاراعاندىنىڭ «شاحتەر» كوماندالارى اراسىنداعى چەمپيوندار ليگاسى ءتورتىنشى راۋندىنىڭ قارىمتا ماتچى باستالدى. وسىنىڭ الدىندا بۇل قارسىلاستاردىڭ قاراعاندى قالاسىندا وتكەن ءبىرىنشى ماتچى 2:0 ەسەبىمەن كەنشىلەردىڭ پايداسىنا شەشىلگەنىن جانكۇيەر قاۋىم جاقسى بىلۋگە ءتيىس.
قازاقستاننىڭ فۋتبول كوماندالارى بۇعان دەيىن ەشقاشان حالىقارالىق دارەجەدە ءدال وسىنداي اسا جاۋاپتى ءساتتى, وسىنشالىقتى جوعارى دەڭگەيدەگى كەزدەسۋدى باستان كەشىپ كورگەن جوق. مۇنىڭ قاسىندا الماتىنىڭ «قايراتىنىڭ» كەشەگى كەڭەس كەزەڭىندە ەۋروپا تەمىرجولشىلارىنىڭ كۋبوگىن جەڭىپ الارداعى ماتچتارىنىڭ ءبارى دە بالانىڭ ويىنشىعى ءتارىزدى. سەبەبى, ول تۋرنيرگە قۇرلىقتىڭ ءۇشىنشى-ءتورتىنشى دارەجەلى جاساقتارى قاتىسىپ ەدى. ال مىنا باسەكە ەسكى دۇنيەنىڭ ەڭ مىقتى دەگەن كوماندالارىنىڭ اراسىندا وتۋدە. وسى تۇرعىدان كەلگەندە, جارىستى ەكىنشى كەزەڭنەن باستاپ, ونىڭ ەكى بەلەسىنەن ابىرويمەن وتە بىلگەن, تورتىنشىسىندە «سەلتيك» سىندى ازۋى التى قارىس قارسىلاسىن ءبىر رەت سۇرىندىرگەن «شاحتەردىڭ» وسى جەتىستىگىنىڭ ءوزى ماقتانا ايتۋعا تۇراتىنداي كورسەتكىش دەپ ەسەپتەيمىز.
وسى تۇستا ءبىر ايتا كەتەتىن ءجايت, قاراعاندىلىقتاردىڭ ءوز الاڭىنداعى ويىن الدىندا قارا قويدى قۇرباندىققا شالۋى كەيىن شوتلانديالىقتار تاراپىنان ءبىراز اڭگىمەگە ارقاۋ بولدى. ءتىپتى كوماندانىڭ ءبىر توپ جانكۇيەرلەرى بۇل جونىندە ۋەفا-عا شاعىم دا تۇسىرگەن ەكەن. بىزگە جەتكەن اقپاراتقا قاراعاندا, فەدەراتسيا پرەزيدەنتى ميشەل پلاتيني شاعىمعا ءمان بەرىپ, مۇنىڭ قايتا قايتالانباۋىن ەسكەرتكەن سەكىلدى. بىراق قازاقستاندىقتار سوندا دا العان بەتتەرىنەن قايتپاپتى. راس, مۇنى ەندى كوماندانىڭ ءوزى جاساعان جوق. ونى قارىمتا ماتچتى كورۋ ءۇشىن ورالدان گلازگوعا بارعان جانكۇيەرلەر اتقارىپتى. بۇل تۋرالى بۇگىن «موي گورود» پورتالىنىڭ ءتىلشىسى حابارلاپ, ونى «اقجايىق» فۋتبول كلۋبىنىڭ فاناتتارى جۇزەگە اسىرعاندارىن جەتكىزدى.
- «شاحتەر» - قازاقستاندىقتار اراسىنان چەمپيوندار ليگاسىنىڭ توپتىق كەزەڭىنە ءوتۋ مۇمكىندىگىن الىپ وتىرعان جالعىز كوماندا, - دەيدى سولاردىڭ ءبىرى دەنيس شاپكين. – ءبىز سوندىقتان قاراعاندىلىقتاردى قولداپ, قۇرباندىق شالۋ ءراسىمىن جاساۋعا شەشىم قابىلدادىق.
ءراسىمنىڭ الدىندا ءتيىستى دۇعا دا وقىلعان. وعان قاتىسۋشىلار كەنشىلەر كومانداسىنىڭ بۇگىن مەرەيى ۇستەم, ابىرويى اسقاق, مىسى باسىم, جەتىستىگى جوعارى بولۋىن تىلەپتى. ەندەشە, ءبىز دە سونى تىلەيمىز.
ءبىز, ارينە, بۇگىنگى ماتچتىڭ قالاي اياقتالاتىنىن بىلمەيمىز. بىراق «شاحتەردىڭ» وسى بەلەسىنىڭ ءوزى بىزدەر ءۇشىن وتە جوعارى جەتىستىك ەكەنىن جاقسى بىلەمىز. ءدال قازىر قاراعاندىلىقتار ءۇشىن الاڭ يەلەرىنىڭ العاشقى 10 مينۋتتىڭ ىشىندەگى جويقىن شابۋىلدارى مەن قىسىمدارىنا توتەپ بەرە ءبىلۋدىڭ ماڭىزى زور. سودان سوڭ تاعى 20 مينۋتتاي جورىق جالعاسادى. ەگەر وسى ارالىقتا قاقپامىز گولدان امان شىقسا, جىگىتتەرىمىز العا قويعان ماقساتتارىنا جەتۋلەرى ءتيىس. سودان سوڭ ەكىنشى تايمنىڭ باسى دا قيىنداۋ بولاتىن شىعار.
قازىر ماتچتىڭ 7 مينۋتى وينالدى. ازىرگە قاراعاندىلىقتار سەنىمدى ويناۋدا. دوپتى بەت الدىنا تەپكىلەۋ جوق. ولار قاراعاندىدا دا بۇعان جول بەرگەن جوق. ءبىزدىڭ كەنشىلەر سونىسىمەن ءسۇيسىنتتى. مىنە, شوتلاندتار ءبىرىنشى بۇرىشتامانى اۋەلەتتى. الاڭ يەلەرىنىڭ قاقپاعا تۋرا باعىتتالعان قاتتى سوققىسىن قاقپاشى الەكساندر موكين قولىمەن قاعىپ, باعاننىڭ ۇستىنەن جىبەردى. سوسىن شوتلاند جاساعى تاعى بۇرىشتاما باعىتتادى. مۇنى دا ءبىزدىڭ قورعاۋشىلار قايتارا ءبىلدى. سونىڭ الدىندا عانا اندرەي فينونچەنكو ايىپ دوبىن ۇرعان. ونى الاڭ يەلەرىنىڭ گولكيپەرى فورستەر قاعىپ العان.
بۇدان كەيىن «سەلتيكتىڭ» جويقىن شابۋىلدارى ءوربىپ كەتتى. وسى كەزدە ولار قاتارىنان ەكى رەت بۇرىشتاما بەرىپ ۇلگەردى. ونىڭ ەكەۋى دە قاۋىپتى بولدى. ءبىرىنشى جاعدايدا موكين دوپتى اياعىمەن تەۋىپ, سىرتقا جىبەردى. سوسىن ەكىنشى ايىپ دوبىن الەكساندر قولىمەن قايتاردى. ال 13-مينۋتتا قاقپاعا كىرگەلى تۇرع
