ايماقتار • 30 ناۋرىز، 2020

تۇركىستان: 11 بالانىڭ اناسى «ءبىز بىرگەمىز!» اكتسياسىن ىسكە اسىرۋشىلارعا العىس ايتۋدا

77 رەتكورسەتىلدى

تۇركىستان وڭىرىندە «Nur Otan» پارتياسىنىڭ باستاماسىمەن قولعا الىنعان ء«بىز بىرگەمىز» اكتسياسى جالعاسىن تابۋدا. اكتسيا اياسىندا سايرام اۋدانى ءاسىل اۋىلىنداعى از قامتىلعان وتباسىلارعا الەۋمەتتىك پاكەت تاراتىلدى.

قينالعان  جاندارعا قول ۇشىن بەرۋدى  ازاماتتىق پارىزى ساناعان جەكە كاسىپكەر سەرىك يبادۋللاەۆ ءوزىنىڭ تۋعان ولكەسىنە دەمەۋشىلىك جاساعاندى ءجون ساناپتى. ءسويتىپ «ينتەرتەحسەرۆيس-يتد» جشس باس ديرەكتورى تۇرمىسى تومەن 30 وتباسىعا الەۋمەتتىك پاكەت دايىنداعان. وعان قوسا 200  مەديتسينالىق ماسكا تاراتقان. الەۋمەتتىك پاكەتتە مەديتسينالىق ماسكالارمەن قاتار  ۇن، ماكارون، پىستە ماي، قانت، كىر سابىن سياقتى  كۇندەلىكتى قاجەتتى تاۋارلار بار. ءاسىل اۋىلىنىڭ تۇرعىنى، ءبىرىنشى توپتاعى مۇگەدەك بەيبىت سارسەنوۆتىڭ قايىرىمدى جانعا ايتار العىسى شەكسىز.   «سايرام اۋدانىندا 122  وتباسى كومەككە اسا مۇقتاجدار تىزىمىنە  ەنگىزىلگەن. وسى ۋاقىتقا دەيىن ولاردىڭ بارلىعىنا الەۋمەتتىك  پاكەت تاراتىلدى. بۇدان بىلاي تاعى ەكىنشى كەزەكتەگى  مۇقتاجدار  ءتىزىم جاساقتايمىز»، دەيدى  «Nur Otan» پارتياسى سايرام اۋداندىق فيليالى توراعاسىنىڭ ءبىرىنشى ورىنباسارى الماس ابدىقادىروۆ. 

ەل مۇددەسىن كوزدەپ، قولىنداعىسىن وزگەمەن بولىسۋگە دايار تۇراتىن ازاماتتاردىڭ ءبىرى – تۇركىستان وبلىستىق ءماسليحاتتىڭ دەپۋتاتى، كاسىپكەر قايرات سۇلەيمەنوۆ تە ساۋاپتى ءىستىڭ ورتاسىنان تابىلىپ، كومەككە مۇقتاج جانداردى ازىق- ت ۇلىكپەن قامتاماسىز ەتتى. ەلباسى ۇندەۋىن قولداپ جومارتتىق تانىتقان  قايرات سۇلەيمەنوۆ ء «بىز بىرگەمىز!» اكتسياسى اياسىندا ءوز قاراجاتى ەسەبىنەن ارنايى قورعا 1 ميلليون تەڭگە اۋداردى. سونداي-اق تۇركىستان وبلىستىق اقساقالدار القاسى باستاماسىمەن اشىلعان الەۋمەتتىك دۇكەندە جاعدايى تومەن وتباسىلارعا تەگىن ازىق-ت ۇلىك تاراتىلۋدا. سونىمەن قاتار كيىم-كەشەك تە بەرىلۋدە. اقساقالدار القاسى تۇركىستان قالاسىنداعى 16 سەكتورعا بي سايلاعان. سول ازاماتتار از قامتىلعان وتباسىلاردى ىرىكتەپ بەرەدى. كومەك الىپ كوڭىلىن دەمدەگەن جانە ەلدى بىرىكتىرەتىن اكتسيانى جۇزەگە اسىرۋشىلارعا العىسى شەكسىز  جانداردىڭ ءبىرى ءجاميلا سانجارقىزى دۇنيەگە 11 ۇل-قىز اكەلگەن. شاعىن كاسىپكەرلىكپەن اينالىسىپ كەلگەن وتاعاسىنىڭ جۇمىسى ۋاقىتشا توقتاپ تۇر ەكەن. باتىر انا اقساقالدار تاراپىنان بەرىلگەن  كومەككە ءدان ريزا. الەۋمەتتىك دۇكەندە ەسەپ ايىرىسۋ دەگەن اتىمەن جوق. اقساقالدار قاجەتتى ازىق-ت ۇلىكتى تەگىن بەرەدى. قايىرىمدىلىق جاساعىسى كەلگەندەر وسىندا كەلىپ قولداۋ كورسەتۋدە. مىسالى، وبلىستىق ءماسليحات دەپۋتاتى بايماحان سۇلەيمەنوۆ اقساقالدار القاسىمەن بىرلەسە جۇمىس ىستەپ، الەۋمەتتىك دۇكەنگە 2 تونناعا جۋىق ازىق-ت ۇلىك  اكەلگەن.

ايتا كەتەلىك، اپتانىڭ سارسەنبىسىندە عانا جۇمىس ىستەيتىن الەۋمەتتىك دۇكەندە  سول كۇنى تۇركىستانداعى 16  سەكتوردىڭ ارقايسىسىنان ء بىر وتباسىعا تەگىن تاۋار بەرىلەدى.

 

تۇركىستان وبلىسى

سوڭعى جاڭالىقتار

ۇقساس جاڭالىقتار