بەلگىلى جۋرناليست, كاسىپكەر ارمان شوراەۆ زەرەندى ايماعىنداعى «Aurora Garden» دەمالىس ءۇيىن كوروناۆيرۋس ەپيدەمياسىمەن كۇرەس بارىسىندا پايدالانۋعا بەرىپ وتىر. وبلىستىق دەنساۋلىق ساقتاۋ باسقارماسىنىڭ باسشىسى سۇلەن ءىلياسوۆتىڭ ايتۋىنا قاراعاندا, كاسىپكەردىڭ دەمالىس ورنى اۋداندىق اۋرۋحانامەن بايلانىستىرىلا پايدالانىلادى. دەمالىس ورنىندا بىرنەشە جاتىنجايلار, اسحانا, مونشا بار. ينتەرنەت جەلىسى جۇمىس ىستەيدى.
–قازىرگى كۇنى دەمالىس ورنىندا جۇمىس ىستەۋ ءۇشىن قانشا دارىگەر مەن ورتا بۋىن مەديتسينا قىزمەتكەرلەرى كەرەك ەكەنىن ەسەپتەپ جاتىرمىز,–دەيدى باسقارما باسشىسى سۇلەن ءىلياسوۆ,–ماماندار جەتىسپەيتىن بولسا كوكشەتاۋ قالاسى مەن ساندىقتاۋ اۋدانىنداعى مەديتسينا مەكەمەلەرىنەن شاقىرۋعا بولادى.
دەنساۋلىق ساقتاۋ باسقارماسىنىڭ باسشىسىنىڭ ايتۋىنا قاراعاندا, كاسىپكەردىڭ بۇل قامقورلىعى دەر كەزىندە جاسالعان جاناشىرلىق كومەك بولىپ وتىرعان كورىنەدى. ەندىگى ارادا دارىگەرلەر ەگەر ادامدار ىندەتكە دۋشار بولىپ جاتسا, تامىلجىعان تابيعات اياسىندا ەمدەۋگە مۇمكىندىك الىپ وتىر. ەلدە جانى اشيتىن ەرلەردىڭ ءىسى العىسقا ابدەن لايىق.
زەرەندى اۋدانى,
اقمولا وبلىسى
