نەسىن جاسىرايىن, جاڭا وقۋ جىلى الدىندا بالالارىمدى مەكتەپكە دايىنداۋ كەزىندە قاتتى قىسىلاتىن جانداردىڭ ءبىرىمىن. ۇلىم مەن قىزىمدى قۇربى-قۇرداستارىنداي جارقىراتىپ كيىندىرىپ, وقۋلىقتارىن تۇگەندەپ, سومكەلەرىن تولتىرىپ, مەكتەپكە كوتەرىڭكى كوڭىل-كۇيمەن بارۋلارىنا جالعىزىلىكتى انا رەتىندە جاعدايىم كەلە بەرمەيدى. وسىنى بىلەتىن بولۋ كەرەك, كەشە وزدەرى وقيتىن ءىسلاميا ساتتاروۆ اتىنداعى №57 مەكتەپ-ليتسەيگە شاقىرىلىپ, ۇيگە قۋانىپ قايتتى. وندا مەن سياقتى وتباسى وقۋشىلارىنا كيىم, وقۋ قۇرال-جابدىقتارى سىيلانعان ەكەن. «مەكتەپكە جول» اكتسياسى بويىنشا بالالارىممەن سىنىپتاستاردىڭ اتا-انالارى بەردەن باشاروۆ, نۇرجامال كەلىمبەتوۆا, ەربول بۇقارشيندەردىڭ وقۋشىعا نە كەرەكتىنىڭ ءبارىن تارتۋ ەتۋى كوڭىلىمىزدى ءوسىرىپ تاستادى. ءبىر مەن عانا ەمەس, الەۋمەتتىك جاعدايى السىزدەۋ باسقا دا وتباسىلار شاكىرتتەرىنە وسىنداي قامقورلىق كورسەتىلدى. شىنايى ىزگىلىك بەيىل شۋاعىنا بولەۋشى وسىنداي كەڭ جۇرەكتى جاندارعا انالىق اق العىسىم شەكسىز. سولاردىڭ ارقاسىندا بالالارىم مەكتەبىنە قۋانىپ باراتىن بولدى.
حالقىمىزعا ءتان ءبىر-بىرىمىزگە دەگەن قامقور كوڭىلگە جاڭاشا جاراسىم تاپتىرعان اتالعان شارا جاقسىلىعىن ۇمىتپاق ەمەسپىز.
ماقپال مەتجانوۆا.
قاراعاندى.
