ال كەنتاۋ قالاسىندا 20 مىڭعا جۋىق بەتپەردە تەگىن تاراتىلدى. يگى ىسكە قالاداعى ەرىكتىلەر ۇيىمى ۇيىتقى بولىپ وتىر. ءاربىر كوشەنى ارالاپ تۇرعىندارعا بەتپەردە مەن ارنايى قورعانىش قولعاپتارىن تارتۋ ەتكەن جاستار, كوروناۆيرۋستان قورعانۋ جولدارىن ءتۇسىندىردى. كوشەگە كوپ شىقپاۋ كەرەكتىگىن جانە ادامدار كوپ جينالاتىن جەرلەرگە بارماۋ قاجەتتىگىن ەسكەرتتى. سونداي-اق, ەرىكتىلەر قالاعا كىرەبەرىس قاقپادا ورنالاسقان بلوك-پوستتاعى كەلۋشىلەرگە دە بەتپەردەلەر بەردى. «ەندى, الەۋمەتتىك جاعدايى تومەن وتباسىلارعا, ارداگەرلەرگە جانە مۇمكىندىگى شەكتەۋلى ازاماتتاردىڭ ۇيلەرىنە اپارىپ بەرەمىز. بۇل يگى ءىستى الداعى ۋاقىتتا دا جالعاستىراتىن بولامىز», دەيدى قالالىق جاستار رەسۋرستىق ورتالىعىنىڭ باسشىسى قانات بەكمەتوۆ.
تۇركىستان وبلىسى
