ايماقتار • 29 ناۋرىز، 2020

تۇركى الەمىنىڭ مادەني-رۋحاني ورتالىعىندا ىندەتتى بولدىرماۋدىڭ بارلىق امالى جاسالۋدا

466 رەتكورسەتىلدى

تۇركى الەمىنىڭ مادەني-رۋحاني ورتالىعى كيەلى تۇركىستان قالاسىندا بۇگىندە ىندەتتى بولدىرماۋدىڭ بارلىق امالى جاسالۋدا. قالاعا كىرەبەرىستە ىنتىماق، كەنتاۋ، ءشاۋىلدىر، بالتاكول بلوك - پوستتارى مەن تەمىرجول ۆوكزالىنداعى باقىلاۋ - وتكىزۋ بەكەتتەرىندە 15 بەينەباقىلاۋ كامەرالارى ورناتىلدى. 5 بەكەتتىڭ ارقايسىسىندا 3 «سەرگەك» كامەرادان قويىلعان. بارلىق بەينەجازىلىم 30 كۇن بويى ساقتالادى.

بۇدان بولەك 2 بەينەباقىلاۋ كامەراسىندا اۆتوكولىكتەردىڭ مەملەكەتتىك تىركەۋ نومىرلەرىن تانۋ جۇيەسى ىسكە قوسىلعان. اسىرەسە، نۇر-سۇلتان، الماتى جانە شەتەلدىك ءنومىرلى كولىكتەردى تىركەۋگە الۋ بويىنشا قاۋىپسىزدىك شارالارى كۇشەيتىلگەن. وندا پوليتسيا، دارىگەرلەر مەن جەدەل-جاردەم جانە توتەنشە جاعداي قىزمەتكەرلەرى تاۋلىك بويى قىزمەت ەتۋدە. وبلىس اۋماعىندا ورنالاسقان بەكەتتەردەگى باقىلاۋ كامەرالارى وبلىستىق سيتۋاتسيالىق ورتالىققا قوسىلعان.

تۇركىستان قالاسىنىڭ اكىمى راشيد ايۋپوۆ قالا بازارلارىن ارالاپ، باعالاردى تۇراقتاندىرۋ بويىنشا ساۋداگەرلەرمەن الەۋمەتتىك ماڭىزى بار تاۋارلار باعاسىن بەلگىلەنگەن مولشەردەن اسىرماۋ جايلى كەلىسسوزدەر جۇرگىزدى. ساۋداگەرلەرمەن كەلىسىلگەن باعانى جاريالاپ، سول باعادان جوعارى بولسا دەرەۋ حابارلاسۋعا بولاتىن تەلەفون ءنومىرى دە تۇرعىندارعا جاريا ەتىلدى. سونداي-اق قالا اكىمى ونلاين فورماتتا، ياعني كۇندە كەشكە تىكەلەي ەفيرگە شىعىپ، تۇرعىندارمەن وي ءبولىسىپ، ساۋالدارىنا جاۋاپ بەرۋدە. جەرگىلىكتى تۇرعىندار رۋحاني قالا اكىمىنىڭ توتەنشە جاعداي جاريالانعان العاشقى كۇندەرى ءبىراز ۋاقىتقا دەيىن بەتپەردەسىز جۇرگەنىن دە نازاردان تىس قالدىرماپتى. باسشىلاردىڭ بارلىعى بەتپەردە تاعىپ جۇرگەندە اكىمنىڭ بۇل ارەكەتىن بىلگىسى كەلگەندەر تىكەلەي ەفير ارقىلى ساۋالىن دا جولداعان. «بەتپەردە جەتىسپەۋشىلىگى بىزدە عانا ەمەس، بارلىق قالالاردا تۋىنداپ تۇر. قازىرگى تاڭدا قولعا الىپ، جەرگىلىكتى كاسىپكەرلەر تاۋلىك بويى تىگۋدە. تاقپايتىن سەبەبىمىز دە سول. حالىققا جەتكىزە الماي جاتىرمىز. اكىمدىك قىزمەتكەرلەرى 174 مىڭ ادامنىڭ ومىرىنە جاۋاپتى. بەتپەردەلەر ءدارىحانالاردا پايدا بولىپ، حالىق قامتاماسىز ەتىلگەندە - ءبىز دە تاعاتىن بولامىز» - دەپ جاۋاپ بەرىپتى تۇرعىندار ساۋالىنا راشيد ايۋپوۆ. وسىلايشا قالا اكىمى تۇرعىنداردىڭ بارلىعىن بەتپەردەمەن قامتاماسىز ەتۋ باعىتىنداعى جۇمىستاردى جەدەلدەتە ءتۇستى. ناتيجەسىن قالا اكىمىنىڭ بۇگىندە ۇنەمى بەتپەردە تاعىپ جۇرگەنىن اڭعارۋعا بولادى. سونداي-اق وبلىس اكىمى ومىرزاق شوكەەۆتىڭ تاپسىرماسىمەن قالانىڭ 6 باعىتىندا باقىلاۋ-تەكسەرۋ بەكەتتەرى قويىلىپ، قۇزىرلى مەكەمە قىزمەتكەرلەرى كىرگەن ادامداردى تىركەپ، دەنساۋلىق كورسەتكىشتەرىن باقىلاۋعا العان. ايالدامالاردان باستاپ، قوعامدىق كولىك، اۆتوبەكەتتەر، تەمىرجول ۆوكزالى جانە باسقا دا ادامدار كوپ شوعىرلاناتىن جەرلەردە دەزينفەكتسيالاۋ جۇمىستارى جۇيەلى تۇردە جۇرگىزىلۋدە. بالاباقشالار جۇمىسى ناۋرىزدىڭ 20-نان توقتاتىلعان. بىرقاتار مەكەمەلەردىڭ جۇمىس تارتىبىنە وزگەرىستەر ەنگىزىلىپ، ساقتىق شارالارىن ورىنداۋى قاداعالانۋدا. شىمكەنت قالاسىندا ءبىر ەمەس، ەكى ادامنىڭ ىندەتكە شالدىققانى جايلى اقپارات تۇرعىنداردىڭ بازارلاردى دا جابۋ كەرەك دەگەن ۇسىنىسىنا تۇرتكى بولسا كەرەك. بۇعان قوسا، Covid-19 جانە وقشاۋلاما ماڭىزى جايلى اكىمدىك تاراپىنان قاراپايىم تىلدە دايىندالىپ، تاراتىلىپ جاتقان اقپارات تا ءوز سەپتىگىن تيگىزۋدە.

ي

جالپى ەلمىزدىڭ رۋحاني استاناسى تۇركىستاندا قاۋىپسىزدىكتى ساقتاۋ شارالارى قاتاڭ ساقتالىپ، بۇل ورايدا، قالا اكىمدىگى حالىقپەن بايلانىستىڭ تىڭ جولدارىن قولدانىپ ءتيىمدى جۇمىس ىستەۋدە.  

م

 

تۇركىستان وبلىسى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار