ايماقتار • 29 ناۋرىز، 2020

تۇركىستان: اقساقالدار القاسى يگى باستاما كوتەردى

21 رەتكورسەتىلدى

تۇركىستان وبلىستىق اقساقالدار القاسى باستاما كوتەرىپ، ارنايى الەۋمەتتىك دۇكەنگە دەمەۋشىلەر تاراپىنان ازىق-ت ۇلىك پەن كيىم-كەشەك جيناۋدى قولعا الدى. جينالعان زاتتار از قامتىلعان وتباسىلارعا ۇلەستىرىلەتىن بولادى. ون التى ايماققا بەلگىلەنگەن اۋىلنايلار ءوز وڭىرىندەگى از قامتىلعان وتباسىلار ءتىزىمىن جاساپ، اپتاسىنا ءبىر رەتتىك تەگىن كيىم مەن ازىق-ت ۇلىك تاراتادى.

الەۋمەتتىك دۇكەنگە العاشقىلاردىڭ ءبىرى بولىپ دەمەۋشىلىك جاساعان وبلىستىق ءماسليحات دەپۋتاتى بايماحان سۇلەيمەنوۆ ءوز قاراجاتىنا 2 توننا ازىق-ت ۇلىك الىپ بەرىپ، ەل العىسىنا بولەنىپ وتىر. دەپۋتات قايىرىمدىلىق شارالار ەل ىشىندە ءجيى جاسالىپ تۇرسا، الەۋمەتتىك جاعداي تۇراقتالىپ، نارىقتىق-ەكونوميكالىق احۋال رەتتەلەتىن ەدى، دەپ ەسەپتەيدى. وبلىستىق اقساقالدار القاسىنىڭ باستاماسى دا باعانى تۇراقتاندارۋ بويىنشا جاسالىپ جاتقان ىستەردىڭ ءبىرى.

ال ماقتاارال اۋدانىندا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا، كاسىپكەرلەرگە ءتۇسىندىرۋ جۇمىستارىن جۇرگىزىلگەن. ناتيجەسىندە، بۇعان دەيىن باعاسى 8200 تەڭگە بولعان «پيونەر» ۇنى اۋدان ورتالىعى مىرزاكەنت كەنتىندەگى «باحتيار» ساۋدا ورتالىعى مەن وسى ورتالىققا قاراستى 4 دۇكەندە جانە اتاكەنت كەنتىندەگى قويمادا 7700 تەڭگەدەن ساتىلۋدا. ەلىمىزدە توتەنشە جاعداي جاريالاعان كۇننەن باستاپ ماقتاارال اۋدانىنىڭ بازارلارى مەن ازىق-ت ۇلىك دۇكەندەرىندە باعا وسىمدەرى بايقالعان. سوڭعى كۇندەرى ۇن، كارتوپ، قاراقۇمىق سياقتى ازىق-ت ۇلىك باعالارى كوتەرىلگەن بولاتىن. ماسەلەن، كارتوپقا شەكتىك رۇقسات ەتىلگەن باعا 132 تەڭگە بولسا، اۋداندا 160 تەڭگەگە دەيىن وسكەن. سول سەكىلدى قاراقۇمىققا شەكتىك رۇقسات ەتىلگەن باعا 302 تەڭگە بولسا، 350 تەڭگەدەن ساتىلعان. وسى ورايدا اۋدان اكىمى باقىت اسانوۆ بازارلار مەن ساۋدا ورتالىقتارىنا ارنايى بارىپ، كاسىپكەرلەرمەن جەكە-جەكە كەزدەستى. ەلىمىزدەگى جاعدايدى ايتىپ، مۇنداي كەزدە حالىققا كومەكتەسۋ كەرەكتىگىن ءتۇسىندىردى. ناتيجەسىندە،  ۇن مەن كارتوپتىڭ باعاسى تومەندەدى.

تۇركىستان وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار