مىسالى, جاستاردىڭ ۇزدىكسىز دامۋىن ءارى بوس ۋاقىتىن ءتيىمدى پايدالانىپ, قاشىقتان وقۋعا داعدى قالىپتاستىرۋ ماقساتىندا جانە كەز كەلگەن جاعدايدىڭ مۇمكىندىگى مول ەكەنىن ۇيرەتەتىن ۇزدىك جوبالار ۇسىنىلىپ وتىر. ناقتىراق ايتساق, الەۋمەتتىك جەلى ارقىلى «جاستار online», «ناۋرىز, ناۋرىز كۇن يگى» اتتى كوركەمسوز وقۋ ۆيدەو - بايقاۋى جانە جاڭا فورماتتا قاشىقتان وقىتاتىن «قولجەتىمدى اعىلشىن» جوباسى ىسكە قوسىلدى. قازىرگى تاڭدا اعىلشىن ءتىلىن تەگىن ءارى تەرەڭ مەڭگەرۋ ءۇشىن 200-گە جۋىق جاس تىركەلگەن جانە بۇل باعىتتاعى ىستەر ءالى دە جالعاسۋدا. ياعني قوعامدىق دامۋ باسقارماسىنا قاراستى «جاستار رەسۋرستىق ورتالىعى» قولعا العان جوبانىڭ اياسىندا جاستار اعىلشىن ءتىلىن قاشىقتان تەگىن ۇيرەنەتىن بولادى. سونداي-اق, ەلەكتروندى وقۋلىق پلاتفورماسى ارقىلى «ۇبت-عا دايىندىق بويىنشا شەبەرلىك كۋرسى» باستالدى. كۋرسقا تەگىن قاتىسىپ, ۇزدىك ۇستازداردان ءدارىس الۋعا بولادى. نيەت بىلدىرگەن ۇستازدار ءۇشىن دە ونلاين رەجيمدە ساباق بەرۋ مۇمكىندىكتەرى قاراستىرىلۋدا. الداعى ۋاقىتتا «تۇركىستان وبلىسى جاستارى وقۋى قاجەت 100 كىتاپ» ەلەكتروندى وقۋلىق بازاسى, ا. قۇنانباەۆتىڭ 175 جىلدىعىنا ارنالعان ولەڭ, قارا سوزدەردىڭ ماعىناسىن ەرەكشە جانە اۋقىمدى تالداۋ بويىنشا «اباي وقۋلارى» جانە «تۇركىستانىم – ماقتانىشىم!» اتتى جاس اقىنداردىڭ وبلىستىق ونلاين - بايقاۋى جانە باسقا دا ۇتىمدى جوبالار جۇزەگە اسىرىلادى.
تۇركىستان وبلىسى
