ايماقتار • 26 ناۋرىز، 2020

تۇركىستان: جالعان اقپارات تاراتۋ بابى بويىنشا 7 قىلمىستىق ءىس قوزعالعان

50 رەتكورسەتىلدى

تۇركىستان وبلىسىنا نۇر-سۇلتان، الماتى جانە باسقا دا، قالالاردان  كەلگەن ازاماتتاردى، كولىكتەردى تەكسەرىپ وتكىزۋ ماقساتىندا  قويىلعان تۇلكىباس اۋدانىنداعى «شاقپاق»  جانە كەنتاۋ قالاسى اۋماعىنداعى «ساۋران» بلوك - پوستتارى ازاماتتاردى ەسەپكە الۋ جۇمىستارىن جۇرگىزۋدە. مىسالى، بۇگىن ياعني، بەيسەنبىدە بۇل بەكەتتەردەن 13296 اۆتوكولىك پەن 35976 ازامات تەكسەرىلىپ وتكىزىلگەن. 

جالپى تۇركىستان وبلىسىنىڭ اۋماعىندا 112 ءىرى ساۋدا ورتالىعى، 103 بازار، 33 اۆتوۆوكزال، 1 مەگا ورتالىعى (تۇركىستان قالاسىندا)، ونىڭ   ىشىندە 1 كينوتەاتر، 1133 كافە-بار  ورنالاسقان. توتەنشە جاعدايعا بايلانىستى ءىرى ساۋدا ورتالىقتارى ساعات 10.00-دەن 18.00-گە، بازارلار 11:00-دەن 17:00-گە دەيىنگى ۋاقىت ارالىعىندا جۇمىس اتقارۋدا. مەگا ورتالىعىنداعى كينوتەاتر جۇمىسى توقتاتىلسا، 1133 كافە-بارلار ساعات 22.00-دەن كەيىن جابىلادى. بۇدان بولەك،  وبلىس اۋماعىندا بارلىق ەلدى مەكەندەردە توي-تومالاق وتكىزگەن جاعدايدا قاتاڭ جاۋاپكەرشىلىككە تارتىلاتىنى جونىندە تۇرعىندارعا ەسكەرتىلگەن. توتەنشە جاعداي ەنگىزىلۋىنە بايلانىستى، زاڭ تالاپتارىن ساقتاماعان تۇلعالارعا قاتىستى، قر اقبتك-ءنىڭ 476-بابىمەن 54 اكىمشىلىك قۇقىقبۇزۋشىلىق تۋرالى حاتتاما تولتىرىلعان. 

سونداي-اق، جىل باسىنان كورونوۆيرۋسقا قاتىستى پوليتسيا دەپارتامەنتىمەن قر قىلمىستىق كودەكسىنىڭ 274 بابى (كورىنەۋ جالعان اقپارات تاراتۋ) بويىنشا 7 قىلمىستىق ءىس قوزعالعان. بارلىق قىلمىستىق ءىس بويىنشا تەرگەپ-تەكسەرۋ امالدارى جۇرگىزىلۋدە.

 

تۇركىستان وبلىسى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار