ايماقتار • 26 ناۋرىز، 2020

تۇركىستان: كوروناۆيرۋس جۇقتىرعان ازاماتپەن بىرگە كەلگەن 56 ادامنىڭ دەرەگى انىقتالدى

623 رەتكورسەتىلدى

ساقتىق ماقساتىندا تۇركىستان وبلىسىنىڭ شەكارالىق جەرلەرىنە 35 بلوك-پوست قويىلعان. ۋاقىتشا توسقاۋىل –بەكەتتەردىڭ 31-ءى ەلدى مەكەندەردە، ال 4-ءۋى تەمىرجول ۆوكزالى مەن ستانتسيالاردا ورنالاسقان. رەسپۋبليكالىق ماڭىزى بار جولداردا ەكى بلوك - پوست، ياعني جامبىل وبلىسىنان تۇلكىباس اۋدانىنا كىرەبەرىستە جانە قىزىلوردا وبلىسىنان-كەنتاۋ اۋماعىنا قاراستى جەردە جۇمىس ىستەۋدە.

اتالعان بلوك-بەكەتتەردىڭ  جۇيەلى جۇمىسىنىڭ ارقاسىندا نۇر-سۇلتان-شىمكەنت باعىتىنداعى اۆتوبۋستا كوروناۆيرۋس جۇقتىرعان ازاماتپەن بىرگە كەلگەن 56 ادامنىڭ ناقتى دەرەگى انىقتالىپ وتىر. نۇر-سۇلتان قالاسىنان شىمكەنتكە كەلگەن 24 جاسار ازاماتتان ينفەكتسيا انىقتالعان بولاتىن. كولىكتەگى جولاۋشىلار تۋرالى تولىق اقپاراتتى تۇلكىباس اۋدانىنداعى شاقپاق بەكەتىنىڭ قىزمەتكەرلەرى 20 ناۋرىز كۇنى جازىپ العان. جولاۋشىلار بۇگىندە وقشاۋلانعان. بلوك-پوستتارعا پوليتسەيلەر ساعات سايىن باقىلاۋ جاساپ، وبلىس اۋماعىنا كەلگەن ازاماتتاردى قاداعالاۋدا.

«وبلىس كولەمىندە اشىلعان بلوك - پوستتارعا 200-گە جۋىق پوليتسيا قىزمەتكەرلەرى جۇمىلدىرىلعان. وبلىس ساقشىلارىمەن بىرگە مەديتسينا ماماندارى، كولىك ينسپەكتسياسىنىڭ قىزمەتكەرلەرى جولدان وتەتىن ءاربىر كولىكتى ءجىتى تەكسەرۋدە. سونىمەن قاتار كولىك ىشىندەگى جۇرگىزۋشىلەر مەن جولاۋشىلاردىڭ دەنە قىزۋلارى ارنايى قۇرىلعىمەن تەكسەرىلۋدە. ەگەر دەنە قىزۋ انىقتالماسا وبلىس اۋماعىنا وتكىزىلەدى، ال دەنە قىزۋ انىقتالاتىن بولسا وندا مىندەتتى تۇردە ول ادام وقشاۋلانىپ، مەديتسينا ماماندارىمەن تەكسەرۋگە جونەلتىلەدى. بۇگىنگى كۇنگە دەيىن وبلىسقا ءوتىپ كەتكەن دەنە قىزۋى بار ادام انىقتالعان جوق»، دەيدى پوليتسيا دەپارتامەنتىنە قاراستى جەرگىلىكتى پوليتسيا قىزمەتىنىڭ باسشىسى، پوليتسيا پولكوۆنيگى ۇلىقبەك مىلتىقوۆ.

قازىرگى تاڭدا بلوك-پوستتارداعى پوليتسيا مەن مەديتسينا قىزمەتكەرلەرى كۇشەيتىلگەن رەجيمدە جۇمىس ىستەۋدە.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار